भारतीय रेल्वे व बर्मिंगहम विद्यापीठाचा मास्टर डिग्री कोर्स

नवी दिल्ली: आणि इंग्लंडच्या बर्मिंगहम विद्यापीठाने संयुक्तपणे मास्टर्स डिग्री प्रोग्रामची घोषणा केली आहे. रेल्वे बोर्डाचे अध्यक्ष विनोद कुमार यादव आणि बर्मिंगहम विद्यापीठाचे कुलगुरु लॉर्ड कॅरेन बिलिमॉरिया यांनी ही घोषणा केली. हा अभ्यासक्रम नॅशनल रेल्वे ट्रान्सपोर्टेशन इन्स्टिट्यूटच्या वतीने हा संयुक्त मास्टर्स प्रोग्राम रेल्वे सिस्टीम अँड इंजिनिअरींग इंटिग्रेशनमध्ये सुरू करण्यात येणार आहे. शैक्षणिक वर्ष २०२०-२१ पासूनच हा अभ्यासक्रम सुरु होणार आहे. कसा असेल हा अभ्यासक्रम? भारतीय रेल्वे आणि इंग्लंडच्या बर्मिंगहम विद्यापीठाच्या वतीने सुरू करण्यात येणारा हा अभ्यासक्रम ड्युअल एमएससी डिग्री कोर्स असेल. या अंतर्गत एनआरटीआयमध्ये प्रवेश घेणाऱ्या विद्यार्थ्यांना दोन्ही पीजी डिग्री मिळणार आहेत. दोन्ही संस्थांकडून पदवी दिल्या जातील. विद्यार्थ्यांना दोन्ही संस्थांमध्ये एकेक वर्ष अभ्यास करावा लागेल. याशिवाय विद्यार्थ्यांना आणखी एक फायदा मिळणार आहे. एनआरटीआयच्या विद्यार्थ्यांसाठी बर्मिंगहम विद्यापीठाच्या शिक्षकांद्वारे तयार केलेले पीजी सर्टिफिकेट अभ्यासक्रमांचे ऑनलाइन मॉड्यूल्सदेखील उपलब्ध करून देण्यात येणार आहेत.

from Career News in Marathi: Career News, मराठी Career बातम्या | Maharashtra Times https://ift.tt/3bXQpEc
via IFTTT