१०वी इंग्रजीत हमखास पास होण्यासाठी 'असा' सोडवा पेपर

> प्रतिभा पगारे मराठी माध्यमाच्या इयत्ता दहावीच्या विद्यार्थ्यांसाठी इंग्रजी हा विषय म्हणजे बागुलबुवाच. इंग्रजी म्हटलं की अनेक विद्यार्थ्यांच्या पोटात गोळा येतो. या भीतीपोटीच बऱ्याचदा इंग्रजी विषयात कमी गुण मिळतात. काहींना तर आपण इंग्रजीत नापास होऊ अशी भीती सतत वाटत असते. या भीतीसह अभ्यास केला तर डोक्यात शिरत नाही. अशा मुलांसाठी या विशेष टीप्स. खरं पाहायला गेलं तर मराठी, हिंदीच्या तुलनेत इंग्रजीत पास होणं सोपं आहे, हे तुम्हाला ठाऊक आहे का? काही सोप्या गोष्टी केल्या की तुम्ही इंग्रजीत 'नापास' होऊच शकणार नाही. पाहूयात इंग्रजीत हमखास पास होण्याचे मार्ग: > इंग्रजीच्या पेपरमधील पहिला प्रश्न 'Language Study' हा असतो. १० गुणांच्या या प्रश्नातील पहिले चार व सहावा प्रश्न सोडवावा. सहज ७ ते ८ गुण मिळतात. > प्रश्न दुसरा - उताऱ्यावरील सर्व वस्तुनिष्ठ प्रश्न सोडवावेत. उताऱ्यातून त्या प्रश्नात असणारे शब्द शोधल्यास प्रश्न अचूक लिहिता येईल. यातूनही ७ ते ८ गुण मिळतात. > प्रश्न तिसरा A - कवितेवरील A प्रश्नातील वस्तुनिष्ठ प्रश्न सोडवावेत. कवितेवरीलही ५ गुणांच्या पहिल्या उपप्रश्नात ३ गुणांचे वस्तुनिष्ठ प्रश्न असतात. प्रश्न आणि कवितेतील ओळी यांची जुळवणूक केल्यास अचूक उत्तर लिहिता येते. > प्रश्न तिसरा B - कवितेच्या दुसऱ्या उपप्रश्नात संपूर्ण कविता कवीच्या नावासह दिलेली असते. त्यामुळे त्यातील Name of Poem आणि Name of Poet हे प्रश्न बघून सहज सोडवता येतात. > प्रश्न चौथा - Dialogue Writing च्या या प्रश्नातील पहिल्या उपप्रश्नात वाक्य क्रमाने लिहायची असतात, ती जरा विचार केल्यास सहज लिहिता येतात. > Information Transfer चा प्रश्न अवश्य सोडवावा. यातील Web Diagram किंवा Table हाच प्रश्न सोडवण्याचा सराव करावा. उताऱ्यातील प्रत्येक ओळीत याचे उत्तर असते. या पद्धतीने पेपर लिहिल्यास नाहीशी होईल व नापास होण्याचा धोका १०० टक्के टळेल. चला तर मग, विद्यार्थ्यांनो, थोडेच दिवस शिल्लक आहेत परीक्षेला... लागा अभ्यासाला. (लेखिका या शारदाश्रम विद्यामंदिर शाळेतील विषयाच्या शिक्षिका आहेत.) हेही वाचा : -

from Career News in Marathi: Career News, मराठी Career बातम्या | Maharashtra Times https://ift.tt/2vigcGb
via IFTTT