जामिया मिलिया इस्लामियाची प्रवेश प्रक्रिया सुरू

नवी दिल्ली: जामिया मिलिया इस्लामियात शैक्षणिक वर्ष २०२०-२१ साठी प्रक्रियेला सुरुवात झाली आहे. २१ फेब्रुवारी २०२० पासून ऑनलाइन अर्ज भरता येणार आहेत. अर्ज भरण्याची अंतिम मुदत २५ मार्च २०२० आहे. ज्या विद्यार्थ्यांना जामिया मिलिया इस्लामियात जाऊन प्रवेश घ्यायचा असेल त्यांनी, संस्थेच्या अधिकृत संकेतस्थळावर जाऊन प्रवेश प्रक्रियेसंदर्भात अधिक माहिती घ्यावी. जामियाच्या कुलगुरू नजमा अख्तर यांनी २० फेब्रुवारी २०२० रोजी प्रॉस्पेक्टससाठी अर्ज प्रत प्राप्त करण्यासाठी अॅडमिशन वेब पोर्टल लाँच केले हेते. ऑनलाइन अर्ज भरण्याची अंतिम तारीख २५ मार्च आहे. प्रवेशांसाठी प्रवेश परीक्षा आयोजित केली जाईल. ही परीक्षा १८ एप्रिलपासून सुरू होणार आहे. या विद्यापीठात युजी, पीजी. पीजी डिप्लोमा, एमफिल./पीएचडी कोर्सेससाठी अॅडमिशन होत आहे. जामिया अॅडमिशनसाठी jmi.ac.in किंवा jmicoe.in अधिकृत संकेतस्थळावर लॉग इन करावे. ईमेल आयडी, मोबाइल क्रमांक, स्कॅन केलेला फोटो, स्कॅन सिग्नेचर, क्रेडिट, डेबिट कार्ड, नेट बँकिंग आदी माहिती सोबत ठेवावी. कोणकोणते अभ्यासक्रम आणि पात्रता? Master of Science(MSc) in Banking and Financial Analytics पात्रता - कोणत्याही विषयातील पदवी, मॅथ्स, स्टॅट्स, मॅथेमॅटिकल इकॉनॉमिक्स, इकोनॉमेट्रिक्स विषयात ५५ टक्के गुणांसह पदवी. MTech. Environmental Science & Engineering (फुल टाइम) पात्रता - सिविल, मेकॅनिकल, केमिकल, इलेक्ट्रिकल, मेटलॅर्जिकल, माइनिंग, अॅग्रीकल्चर इंजीनियरिंग किंवा इंजीनियरिंग आणि टेक्नॉलॉजीत कोणत्याही विषयातील पदवी. पदवीला किमान ६० टक्के गुण. PG Diploma in Molecular Diagnostics (PGMD- Self-financed) पात्रता - कोणत्याही मान्यताप्राप्त विद्यापीठातून ५५ टक्क्यांसह BSc / BTech.

from Career News in Marathi: Career News, मराठी Career बातम्या | Maharashtra Times https://ift.tt/2SMwO28
via IFTTT