सरकारच्या मदतीस मुंबई विद्यापीठ सज्ज

म. टा. प्रतिनिधी, मुंबई करोनाच्या प्रादुर्भाव रोखण्यासाठी सरकार करत असलेल्या प्रयत्नांना साथ देण्यासाठी विविध संस्था पुढे येत आहेत. यात मुंबई विद्यापीठानेही पुढाकार घेतला असून मुंबई विद्यापीठातील वसतीगृहे तसेच इतर काही इमारतींचा वापर विलगीकरण किंवा अन्य कारणासाठी करता येऊ शकेल. यासाठी विद्यापीठ परिपूर्ण सहकार्य करले असे पत्र मुंबई विद्यापीठाचे कुलगुरू डॉ. सुहास पेडणेकर यांनी मुख्यमंत्री उद्धव ठाकरे यांना लिहले आहे. करोनाचा प्रादुर्भात झालेल्यांची मुंबईतील गुरुवारी आत्तापर्यंतची सर्वाधिक नोंदविली गेली आहे. या पार्श्वभूमीवर सरकारी यंत्रणा अधिक सतर्क झाल्या आहेत. तसेच सरकारला विविध स्तरावरून मदतीचे हात येऊ लागले आहे. यात मुंबई विद्यापीठाचे कुलगुरू डॉ. पेडणेकर यांनीही सरकारला विद्यापीठ स्तरावरून आवश्यक ती मदत करण्याची तयारी दर्शविली आहे.

from Career News in Marathi: Career News, मराठी Career बातम्या | Maharashtra Times https://ift.tt/2xpqg19
via IFTTT