वर्ल्ड युनिव्हर्सिटी रँकिंग: आयआयटी मुंबई, दिल्ली टॉप ५० मध्ये!

मुंबई: QS वर्ल्ड युनिव्हर्सिटी रँकिंगमध्ये पहिल्यांदाच भारताच्या दोन आयआयटींनी पहिल्या ५० मध्ये स्थान पटकावले आहे. आयआयटी मुंबई ४४ व्या स्थानी तर आयआयटी दिल्ली ४७ व्या स्थानी आल्या आहेत. तसेच भारताची टॉप १०० मधील कामगिरीही मागील वर्षीच्या तुलनेत सुधारली आहे. गेल्या वर्षी भारताच्या तीन शैक्षणिक संस्थांनी या यादीत पहिल्या १०० मध्ये स्थान पटकावले होते. यंदा ही संख्या पाचवर पोहोचली आहे. कला शाखेत जवाहरलाल नेहरु विद्यापीठाचं रँकिंग सुधारून १६६ वरून १६४ वर गेलंय. जगात टॉपची शैक्षणिक संस्था कोणती? मॅसेच्युसेट्स इन्स्टिट्यूट ऑफ टेक्नॉलॉजी या संस्थेने सलग आठव्या वर्षी आपले सर्वोच्च स्थान अबाधित ठेवले आहे. दुसऱ्या स्थानी स्टॅनफर्ड आणि केम्ब्रिज विद्यापीठे आहेत. बिझनेस आणि मॅनेजमेंट विभागात हार्वर्ड, INSEAD आणि लंडन बिझनेस स्कूल टॉप ३ वर आहेत. भारतात दिल्ली भारी या यादीत टॉप २०० मध्ये भारतातल्या जेवढ्या शैक्षणिक संस्था आहेत, त्यात दिल्लीतील संस्थांची संख्या अधिक आहे. आयआयटी दिल्ली आणि दिल्ली विद्यापीठाने सोशल सायन्स आणि मॅनेजमेंट विभागात स्थान पटकावले आहे. सायन्स अँड मेडिसीन विभागात एम्सचा २३१ वा रँक आहे, जो २०१९ मध्ये ३३८ होता. आयआयएम अहमदाबाद आणि आयआयएम बेंगळुरू बिझनेस आणि मॅनेजमेंट स्टडीजमध्ये ५१-१०० मध्ये येतात. विशेष म्हणजे डिझाइन क्षेत्रातही भारताने चमक दाखवली आहे. नॅशनल इन्स्टिट्यूट ऑफ डिझाइन १०१ ते १५० मध्ये रँक करत आहे. या विभागात युकेचं रॉयल कॉलेज ऑफ आर्ट सर्वोच्च स्थानी आहे. आणखी वाचा -

from Career News in Marathi: Career News, मराठी Career बातम्या | Maharashtra Times https://ift.tt/39o2h0o
via IFTTT