विद्यापीठाचा ८०९.२४ कोटीचा अर्थसंकल्प अधिसभेत मंजूर

मुंबई: विविध नाविण्यपूर्ण योजनांसह अनेक विकासकामांना प्राधान्यक्रम देत मुंबई विद्यापीठाचा विद्यार्थीकेंद्रीत आणि सर्वसमावेशक असा २०२० - २१ सालचा ८०९.२४ कोटी रुपयाचा अर्थसंकल्प आजच्या अधिसभेत मंजूर करण्यात आला. मुंबई विद्यापीठाचे कुलगुरू प्रा. सुहास पेडणेकर यांच्या अध्यक्षतेखाली आयोजित करण्यात आलेल्या या अधिसभेत यावर्षीचा अर्थसंकल्प मंजूर करण्यात आला. यावर्षीच्या अर्थसंकल्पामध्ये ६६.८० कोटीची तूट दाखविण्यात आली आहे. यावर्षीच्या अर्थसंकल्पामध्ये विविध नाविण्यपूर्ण योजनांसह अनेक विकासकामांना प्राधान्य देत विविध भागांमध्ये या वर्षीचा अर्थसंकल्प सादर करण्यात आला असून, यामध्ये उपपरिसरातील पायाभुत सुविधा (सिंधुदुर्ग, पालघर, रत्नागिरी, ठाणे), डिसेबल्ड फ्रेन्डली कॅम्पसेस, शैक्षणिक सुविधा (नविन अभ्यासक्रम व त्यासंदर्भातील उपक्रम), स्व. बाळासाहेब ठाकरे कला आणि सांस्कृतिक केंद्र, अपग्रेडेशन ऑफ आयसीटी इंफ्रास्ट्रक्चर, डिजीटल लायब्ररी, विद्यापीठ परिसराचे सुशोभिकरण, आदिवासी विद्यार्थ्यांसाठी वसतिगृह अशा नाविण्यपूर्ण बाबींवर आधारीत विशेष अर्थसंकल्पीय तरतूदींसह विद्यापीठ सुधारणांवर भर देत विद्यार्थी केंद्रीत अर्थसंकल्प आजच्या अधिसभेत एकमताने मंजूर करण्यात आला. याबरोबरच २०२०- २०२१ या वर्षामध्ये नियोजित बांधकामांना विशेष प्राधान्यक्रम देण्यात आला असून यामध्ये स्कुल ऑफ लॅंग्वेजेस इमारत (२ रा टप्पा), आंतरराष्ट्रीय विद्यार्थी वसतिगृह (२ रा टप्पा), चतुर्थश्रेणी कर्मचा-यांकरिता निवासस्थान टाईप-२, नविन ग्रंथालय इमारत, नविन परिक्षा भवन, प्रो. बाळ आपटे दालन, मुलींचे नविन वसतिगृह, आंतरराष्ट्रीय विद्यार्थी वसतिगृह (१ ला टप्पा), श्री. राजीव गांधी इमारत (२ रा टप्पा), वर्कशॉप इमारतीची दुरुस्ती, महर्षी धोंडो केशव कर्वे मुलींच्या वसतिगृहाची दुरुस्ती, आय. टी. पार्क इमारत (आतील कामे) अशा नियोजित बांधकामाना प्राधान्य देण्यात आले आहे. अर्थसंक्लपीय वर्ष २०२०-२०२१ चे अंदाजपत्रकात समाविष्ट असलेल्या नवीन योजना / उपक्रम त्याकरीता केलेली तरतुद-

अ.क्र	अर्थसंकल्प वर्ष अंदाज २०२०-२०२१	रुपये (कोटीमध्ये)
१.	विद्यापीठ उपपरिसरातील पायाभुत सुविधा (सिंधुदुर्ग, पालघर, रत्नागिरी, ठाणे)	४०.००
२.	डिसेबल्ड फ्रेन्डली कॅम्पसेस	२२.५०
३.	शैक्षणिक सुविधा (नविन अभ्यासक्रम व त्यासंदर्भातली उपक्रम)	१०.००
४.	स्व. बाळासाहेब ठाकरे कला आणि सांस्कृतिक केंद्र	९.००
५.	अपग्रेडेशन ऑफ आयसीटी इंफ्रास्ट्रक्चर	५.००
६.	डिजीटल लायब्ररी	५.००
७.	विद्यापीठ परिसराचे सुशोभिकरण	५.००
८.	आदिवासी विद्यार्थ्यांसाठी वसतिगृह	१.००

२०२०-२०२१ या वर्षामधील नियोजित बांधकामे- १.स्कुल ऑफ लॅंग्वेजेस इमारत (२ रा टप्पा) २.आंतरराष्ट्रीय विद्यार्थी वसतिगृह (२ रा टप्पा) ३.चतुर्थश्रेणी कर्मचा-यांकरिता निवासस्थान टाईप-२ ४.नविन ग्रंथालय इमारत ५.नविन परिक्षा भवन ६. प्रो. बाळ आपटे दालन ७.मुलींचे नविन वसतिगृह, ८.आंतरराष्ट्रीय विद्यार्थी वसतिगृह (१ ला टप्पा) ९.श्री. राजीव गांधी इमारत (२ रा टप्पा) १०. वर्कशॉप इमारतीची दुरुस्ती ११. महर्षी धोंडो केशव कर्वे मुलींच्या वसतिगृहाची दुरुस्ती १२.आय. टी. पार्क इमारत (आतील कामे)

from Career News in Marathi: Career News, मराठी Career बातम्या | Maharashtra Times https://ift.tt/3aW3xZc
via IFTTT