विद्यापीठ शिक्षकांनी ऑनलाइन कंटेन्ट तयार करावा: UGC

मुंबई: करोनी विषाणूच्या संसर्गाच्या पार्श्वभूमीवर खबरदारीच्या उपाययोजनांचा एक भाग म्हणून मुंबई विद्यापीठ आणि संलग्न महाविद्यालयांच्या शिक्षकांना ३१ मार्च पर्यंत वर्क फ्रॉम होम करायचं आहे. मात्र या कालावधीत शिक्षकांनी, संशोधकांनी ऑनलाइन कंटेन्ट विकसित करावा, असे निर्देश मुंबई विद्यापीठाने दिले आहेत. युजीसी अर्थात विद्यापीठ अनुदान आयोगाच्या सूचनांनुसार हे निर्देश देण्यात आले आहेत. केंद्रीय मनुष्यबळ विभागाने दिलेल्या सूचनांचा संदर्भ यासाठी मुंबई विद्यापीठाने दिला आहे. शिक्षकांनी, संशोधकांनी या वर्क फ्रॉम होम च्या काळात ऑनलाइन कंटेन्ट विकसित करावा आणि ऑनलाइन अध्यापन तसेच ऑनलाइन मूल्यमापनाकरिता तो कंटेन्ट उपयोगात आणावा. तसेच पुढील सत्र किंवा शैक्षणिक वर्षाकरिता शैक्षणिक साहित्य तयार करणे, संशोधन लेख, संशोधन पेपर व संशोधनासंदर्भात इतर आवश्यक कार्यवाही करावी, अशा सूचना देण्यात आल्या आहेत. याशिवाय नाविन्यपूर्ण प्रश्नसंचयनी (क्वेश्चन बँक) व एक भारत-श्रेष्ठ भारत आणि इतर महत्त्वाच्या विषयांवर नाविन्यपूर्ण प्रकल्प तयार करण्यासंदर्भात कार्यवाही करण्यासही सांगण्यात आले आहे. विद्यापीठाचे कुलसचिव डॉ. अजय देशमुख यांनी हे परिपत्रक काढले आहे. तसेच सर्व शिक्षक, अधिकारी, शिक्षकेतर कर्मचाऱ्यांनी स्वत:ची माहिती, संपर्काचा पत्ता संबंधित विभागप्रमुखांकडे सादर करण्याचे आदेशही या पत्रात दिले आहेत.

from Career News in Marathi: Career News, मराठी Career बातम्या | Maharashtra Times https://ift.tt/33BWqmd
via IFTTT