करोना वॉरियर्स आणि त्यांच्या मुलांना आरक्षण देणार 'हे' विद्यापीठ

देश आणि देशवासियांना करोना विषाणूसारख्या साथीच्या आजारापासून वाचविण्याचा प्रयत्न करणाऱ्या वेगवेगळ्या व्यवसायातील लोकांना कोरोना वॉरियर्स म्हटले जात आहे. हे सर्वजण एखाद्या योद्ध्याप्रमाणेच या देशासमोरील संकटाचा धीराने सामना करत आहेत. यात वैद्यकीय कर्मचारी, पोलीस कर्मचारी, निमलष्करी दल, मीडिया कर्मचारी, रुग्णालयातील हाऊसकीपिंग कर्मचारी आणि स्वच्छता कर्मचारी यांचा समावेश आहे. या करोना वॉरियर्ससाठी एक चांगली बातमी आहे. देशातील सर्वात मोठ्या शैक्षणिक संस्थांपैकी एक असणाऱ्या संस्थेला अशा करोना वॉरियर्सचे आभार मानण्याचा एक अनोखा मार्ग सापडला आहे. हे विद्यापीठ करोना वॉरियर्स आणि त्यांच्या मुलांना विद्यापीठाच्या विविध अभ्यासक्रमांमध्ये प्रवेश देणार आहे. त्यांना जागांमध्ये आरक्षण आणि शुल्कात सवलतील्या स्वरुपात लाभ होणार आहे. तर हा लाभ देण्याची घोषणा करणारं हे विद्यापीठ आहे . या विद्यापीठाने सुमारे ५ कोटी रुपयांची स्कॉलरशीप योजना आणली आहे. याअंतर्गत विद्यापीठ वैद्यकीय कर्मचारी, पोलीस कर्मचारी, निमलष्करी दल, मीडिया कर्मचारी, रुग्णालयातील हाऊसकीपिंग कर्मचारी आणि स्वच्छता कर्मचारी यांच्या मुलांसाठी १० टक्के आरक्षण देणार आहे. याव्यतिरिक्त शुल्कातही १० टक्के सवलत मिळणार आहे. हे आरक्षण व फी सवलत विद्यापीठाद्वारे चालविल्या जाणार्‍या सर्व पदवीपूर्व (यूजी) आणि पदव्युत्तर ग्रॅज्युएट (पीजी) अभ्यासक्रमांमध्ये उपलब्ध असेल. चंदीगड विद्यापीठाचे कुलपती, सतनाम संधू म्हणाले की, 'कोव्हिड -१९ वॉरियर्स हे आपले रोजचे सुपरहिरो आहेत. संपूर्ण देश त्यांचा आभारी आहे. चंदीगड विद्यापीठाची 'कोव्हिड -१९ वॉरियर शिष्यवृत्ती' ही त्यांच्याबद्दल कृतज्ञता व्यक्त करण्याचा एक छोटासा प्रयत्न आहे.' चंदीगड विद्यापीठ आसपासच्या खेड्यांमध्ये CU-AID मोहीम राबवित आहे. त्याअंतर्गत, दररोज सुमारे २०० लोकांना जेवण दिले जात आहे. विद्यापीठाचे म्हणणे आहे की त्यांच्या टीमने आतापर्यंत सुमारे ३,५०० लिटर हँड सॅनिटायझरचे वितरण केले आहे. ज्या संस्थांमध्ये हे सॅनिटायझर्स वितरित केले गेले, त्यात एम्स दिल्ली, पंजाब पोलीस, वृद्धाश्रम, अनाथाश्रम आणि चंदीगड आणि मोहाली या गावांचा समावेश आहे.

from Career News in Marathi: Career News, मराठी Career बातम्या | Maharashtra Times https://ift.tt/3arJBwy
via IFTTT