केंद्र सरकारने विद्यार्थ्यांसाठी मागितले 'विद्यादान'

करोना व्हायरस आणि लॉकडाऊनमुळे ग्रासलेल्या विद्यार्थ्यांची समस्या दूर करण्यासाठी केंद्र सरकारने एक नवी युक्ती शोधून काढली आहे. सरकारने देशाच्या जनतेकडून विद्येचं दान मागितलं आहे. यासाठी केंद्रीय मनुष्यबळ विकासमंत्री डॉ. रमेश पोखरियाल यांनी ' २.०' कार्यक्रम लाँच केला आहे. हा कार्यक्रम ऑनलाइन व्यासपीठावर आहे. यासंबंधी पोखरियाल यांनी ट्विटरवरदेखील माहिती दिली आहे. काय आहे विद्यादान? हा ऑनलाइन कार्यक्रम शाळा आणि उच्च शिक्षण दोन्हीच्या विद्यार्थ्यांसाठी आहे. विद्यादान हे एक ई-लर्निंग प्लॅटफॉर्म आहे. लॉकडाऊनच्या वेळी विद्यार्थ्यांना शिकण्यासाठी कंटेंट कमी पडू नसेय म्हणून याची सुरुवात केली गेली आहे. केंद्रीय मनुष्यबळ मंत्रालयाच्या अधिकाऱ्यांच्या सांगण्यानुसार विद्यादान हा उपक्रम इंटिग्रेटेड डिजीटल एज्युकेशनच्या धर्तीवर सुरू करण्यात आला आहे. याद्वारे हरप्रकारचे स्टडी मटेरिअल विद्यार्थ्यांपर्यंत पोहोचवण्याचा प्रयत्न केला जाणार आहे. तुम्ही कशी करू शकता मदत? केंद्र सरकारने देशाच्या जनतेला आवाहन केले आहे की त्यांनी ई-लर्निंग कंटेंट तयार करून विद्यादान प्लॅटफॉर्मवर शेअर करावा. हा कंटेंट व्हिडिओ, अॅनिमेशन, टिचिंग लेसन, असेसमेंट, क्वेश्चन बँक आही कोणत्याही फॉरमॅटमध्ये असू शकतो. तुम्ही नर्सरीपासून पीएचडीपर्यंत कोणत्याही स्तरासाठी कोणत्याही भाषेतील, कोणत्याही स्वरुपातील कंटेंट तयार करून विद्यादानमध्ये सबमीट करू शकता. कोणीही स्वत:चं लॉग इन बनवून कंटेंट पाठवू शकतो. विद्यार्थ्यांना कुठे मिळणार हा कंटेंट? विद्यादानकडे पाठवला जाणाऱ्या कंटेंटची आधी एक्सपर्ट पॅनेलद्वारे पडताळणी होईल. मान्य झाल्यावर तो केंद्रीय मनुष्यबळ विकास मंत्रालयाद्वारे दीक्षा अॅपवर अपलोड केला जाईल. विद्यार्थी दीक्षा अॅपवर हा कंटेंट अॅक्सेस करू शकतील. हेही वाचा :

from Career News in Marathi: Career News, मराठी Career बातम्या | Maharashtra Times https://ift.tt/2yxLIlk
via IFTTT