नीट पीजी २०२० काउन्सेलिंग वेळापत्रक जारी

नवी दिल्ली: राष्ट्रीय पात्रता प्रवेश परीक्षा (NEET) पीजी अभ्यासक्रमांच्या प्रवेशासाठी समुपदेशनाचे संपूर्ण वेळापत्रक जाहीर करण्यात आले आहे. वैद्यकीय काउन्सेलिंग कमिटीने वेबसाइटवर हे वेळापत्रक वेबसाइटवर प्रसिद्ध केले आहे. एमसीसीच्या वेळापत्रकानुसार (नीट पीजी २०२०) आणि नीट एमडीएस २०२० च्या राज्याच्या कोट्यासाठी समुपदेशन प्रक्रिया २० एप्रिलपासून सुरू होऊन ४ मे २०२० पर्यंत सुरू राहणार आहे. राज्याच्या विविध वैद्यकीय व दंत महाविद्यालयांमध्ये प्रवेश घेण्यासाठी संबंधित राज्यांमार्फत हे समुपदेशन घेण्यात येणार आहे. म्हणून प्रत्येक राज्य स्वत: चे स्वतंत्र काउन्सिलिंग श्येड्युल जारी करेल. वैद्यकीय समुपदेशन समिती केवळ ५० टक्के ऑल इंडिया कोटा जागांसाठी आणि केंद्रीय विद्यापीठांच्या १०० % जागांसाठी समुपदेशन करते. एमसीसीतर्फे ऑल इंडिया कोटासाठी पहिल्या फेरीची समुपदेशन फेरी झाली आहे. एमसीसीतर्फे घेण्यात आलेल्या नीट पीजी २०२० च्या पहिल्या फेरीचा निकाल १० एप्रिल रोजी जाहीर झाला. जागावाटप झाल्यानंतर ऑनलाईन रिपोर्टिंगची अंतिम मुदत यापूर्वी २० एप्रिल २०२० निश्चित करण्यात आली होती. पण आता ती २४ एप्रिल २०२० करण्यात आली आहे. याशिवाय वैद्यकीय समुपदेशन समितीने सर्व महाविद्यालयांना लॉकडाऊन काळात विद्यार्थ्यांशी संवेदनशीलतेने वागण्याचे निर्देश दिले आहेत. केवळ आवश्यक कागदपत्रे मागितली जावीत, असे सांगण्यात आले आहे. प्रवेशासाठी आवश्यक असलेल्या कागदपत्रांची संपूर्ण यादी एमसीसीच्या वेबसाइटवर उपलब्ध आहे. जर उमेदवारांना अद्याप पूर्ण शुल्क भरणे शक्य नसेल तर त्यांना या प्रकरणात सवलत देण्यात आली आहे. नीट पीजी २०२० च्या दुसर्‍या फेरीच्या समुपदेशनाच्या तारखांची अद्याप घोषणा झालेली नाही. नीट पीजी २०२० राज्य कोटा समुपदेशन वेळापत्रक सूचनेसाठी

from Career News in Marathi: Career News, मराठी Career बातम्या | Maharashtra Times https://ift.tt/2RNAQGE
via IFTTT