बारावीनंतर थेट IIM ची संधी; 'येथे' करा अर्ज

तुम्हाला बारावी उत्तीर्ण झाल्यानंतर आयआयएम शिकण्याची उत्तम संधी आहे. इंडियन इन्स्टिट्यूट ऑफ मॅनेजमेंट इंदुर येथे आयआयएम अभ्यासक्रमाला प्रवेशाची संधी आहे. आयआयएम इंदुरने इंटिग्रेटेड प्रोग्राम इन मॅनेजमेंट (IPM - Integrated Programme in Management) मध्ये प्रवेशासाठी अर्ज मागवले आहेत. विशेष म्हणजे कोणत्याही शाखेतील बारावी उत्तीर्ण विद्यार्थी या अभ्यासक्रमासाठी प्रवेश घेऊ शकतील. आयआयएम इंदुरचा इंटिग्रेटेड प्रोग्राम इन मॅनेजमेंट पूर्ण पाच वर्षांचा कोर्स आहे. हा पूर्ण करताच विद्यार्थी एमबीएचा समकक्ष होणार आहे. आयआयएम इंदुरचा हा कोर्स लंडन असोसिएशन ऑफ एमबीए कडून मान्यताप्राप्त आहे. या पाच वर्षांच्या कोर्सदरम्यान सुमारे १५ टर्म्स असतील. दर वर्थी तीन-तीन महिन्याचे तीन टर्म असणार आहे. हा कोर्स दोन भागात विभागण्यात आला आहे. पहिला भाग तीन वर्षांचा असतो, याला फाउंडेशन कोर्स म्हणतात. यानंतर दोन वर्षे पूर्णपणे मॅनेजमेंटवर फोकस केली जातात. हा कोर्स मॅनेजमेंट आणि सोशल सायन्सचं मिश्रण आहे. फाउंडेशनदरम्यान, विद्यार्थ्यांना गणित, इकॉनामिक्स, स्टॅटेस्टिक्स, पॉलिटिकल सायन्स, सोशियोलॉजी, सायकॉलॉजी, लिटरेचर, फाइन आर्ट्स, ह्युमॅनिटीज या विषयांचा अभ्यास केला जातो. दोन वर्ष पूर्ण झाल्यानंतर विद्यार्थ्यांना एक सोशल इंटर्नशीपदेखील करावी लागते. कसं असतं अॅडमिशन? या कोर्समध्ये प्रवेशासाठी परीक्षा होते. या प्रवेश परीक्षेचं नाव आयपीएम अॅप्टिट्यूड टेस्ट IPMAT - IPM Aptitude Test असे आहे. IPMAT 2020 साठी अर्ज करण्याची अंतिम मुदत आधी ३० मार्च होती. मात्र लॉकडाऊनमुळे ही मुदत वाढवण्यात आली आहे. आता विद्यार्थी २० एप्रिलपर्यंत अर्ज करू शकतात. म्हणजेच तुमच्याकडे अजूनही संधी आहे. या परीक्षेत अॅप्टिट्यूट टेस्ट, लॉजिकल रिजनिंग, इंग्लिश प्रोफिशिअन्सी आणि गणितावर प्रश्न विचारले जातात. या परीक्षेत उत्तीर्ण झाल्यानंतर लेखी परीक्षा आणि मुलाखतीसाठी बोलावले जाते. अभ्यासक्रमाचं शुल्क किती? भारतीय विद्यार्थ्यांसाठी पाच वर्षांच्या या कोर्सचे शुल्क चार लाख रुपये आहे. आंतरराष्ट्रीय विद्यार्थ्यांसाठी शुल्क ६ लाख रुपये आहे. या शुल्कात राहण्याची सुविधादेखील आहे. संस्थेच्या अधिकृत संकेतस्थळावर जाण्यासाठी .

from Career News in Marathi: Career News, मराठी Career बातम्या | Maharashtra Times https://ift.tt/2Re00xH
via IFTTT