NCERT चं सहावी ते आठवीसाठी नवं शैक्षणिक कॅलेंडर

करोना विषाणूमुळे (कोव्हिड - १९) देशभर लॉकडाउन आहे. शाळा बंद आहेत आणि मुलांना घरातच राहावे लागत आहे. परंतु नवीन शैक्षणिक सत्राची वेळ निघून जात आहे. अशात मुलांच्या शिक्षणाचं नुकसान टाळण्यासाठी केंद्रीय मनुष्यबळ विकास विभागाने (एमएचआरडी) एनसीईआरटीच्या सहकार्याने पर्यायी शैक्षणिक दिनदर्शिका प्रसिद्ध केली आहे. इयत्ता पहिली ते पाचवीसाठी आधीच जारी केले गेले आहे. याची लिंक या बातमीमध्ये पुढे देण्यात आली आहे. आता इयत्ता सहावी ते आठवीपर्यंतचे पर्यायी शैक्षणिक कॅलेंडर प्रसिद्ध करण्यात आले आहेत. केंद्रीय मनुष्यबळ विकास मंत्री डॉ. रमेश पोखरियाल निशंक यांनी सांगितले आहे की लवकरच असे कॅलेंडर ९ वी ते १२ वी पर्यंतच्या वर्गांसाठी केले जाईल. हे कॅलेंडर विशेष पद्धतीने तयार केले आहे. ज्या घरात लॅपटॉप किंवा एकापेक्षा जास्त स्मार्टफोन किंवा ऑनलाइन क्लाससाठी इतर आवश्यक सुविधा नाहीत, त्या घरातही मुलेही आपले शिक्षण थांबवणार नाहीत अशा पद्धतीने हे कॅलेंडर तयार केले गेले आहे. या कॅलेंडरचं वैशिष्ट्य असं की पालक शिक्षकांशी बोलून, प्लान समजून मुलांना घरी शिकवू शकतात. सध्या पुढील चार आठवड्यांसाठी हे कॅलेंडर तयार केले आहे. कोणत्या आठवड्यात मुलांना कोणत्या विषयाचा कोणता धडा शिकवावा, याची माहिती नियोजनबद्धपणे या कॅलेंडरमध्ये देण्यात आली आहे. हे विषय आपण मुलांना कसे शिकवू शकता हे देखील सांगण्यात आले आहे. लॉकडाऊन दरम्यान आपण मुलांसह काय अॅक्टिव्हिटिज करू शकता. लॉकडाऊनच्या वेळी मानसिक तणाव कमी कसा करावा, याचीही माहिती कॅलेंडरमध्ये आहे. एनसीईआरटीने सांगितले आहे की काही आठवड्यांसाठी अभ्यासाचा आराखडा तयार करण्यात आला आहे. जर परिस्थिती सामान्य नसेल आणि लॉकडाऊन वाढला तर पुढील अभ्यास योजना पुन्हा जाहीर केली जाईल. कॅलेंडरमध्ये कोणकोणते विषय? इयत्ता ६ वीसाठी - इंग्रजी, हिंदी, गणित, विज्ञान, उर्दू, समाजशास्त्र. इयत्ता ७ वी साठी - इंग्रजी, हिंदी, गणित, विज्ञान, उर्दू, समाजशास्त्र. इयत्ता ८ वी साठी - इंग्रजी, हिंदी, गणित, विज्ञान, उर्दू, समाजशास्त्र. याशिवाय संस्कृत, आरोग्य आणि शारीरिक शिक्षण, कला शिक्षण हे विषय देखील कॅलेंडरमध्ये समाविष्ट केले गेले आहेत. मुलांना फिट आणि निरोगी ठेवण्यासाठी काय करावे लागेल याबद्दल देखील तपशीलवार वर्णन केले आहे. वर्ग ६ ते ८ पर्यायी शैक्षणिक दिनदर्शिका डाउनलोड करण्यासाठी एनसीईआरटी वर्ग १ ते ५ शैक्षणिक कॅलेंडर डाउनलोड करण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/2yAzYyl
via IFTTT