AICTE: नव्या शैक्षणिक वर्षाचं वेळापत्रक जारी

अखिल भारतीय तंत्रशिक्षण संस्थेने () तंत्रशिक्षण संस्थांसाठी नव्या शैक्षणिक सत्राचं कॅलेंडर जारी केलं आहे. २०२०-२१ साठी तंत्रशिक्षण संस्थांमध्ये प्रवेश आणि काउन्सेलिंगचं शेड्युल बदलण्यात आलं आहे. कोविड-१९ च्या प्रादुर्भावामुळे निर्माण झालेल्या परिस्थितीमुळे हा बदल करण्यात आला आहे. ऑल इंडिया काउन्सिल फॉर टेक्निकल एज्युकेशनने यासंदर्भातील परिपत्रक जारी केलं आहे. हे कॅलेंडर तंत्रशिक्षण संस्थांच्या नव्या सत्रासंबंधी आहे. यात व्यवस्थापन अभ्यासक्रमांची देखील माहिती देण्यात आली आहे. एआयसीटीईने म्हटलंय की कोविड-१९ मुळे संस्थांना मान्यता मिळण्यास विलंब होत आहे. म्हणून नवं कॅलेंडर बनवण्यात येत आहे. नवीन कॅलेंडरनुसार - - तंत्रशिक्षण संस्थांना मान्यता मिळण्याची अंतिम तारीख आधी ३० एप्रिल होती, ती आता १५ जून २०२० करण्यात आली आहे. - विद्यापीठ किंवा बोर्डाद्वारे मान्यता मिळण्यासाठी अंतिम तारीख - ३० जून २०२० - पहिल्या राऊंडचं काउन्सिलिंग (प्रवेश) - १५ ऑगस्ट २०२० पर्यंत - दुसऱ्या राऊंडचं काउन्सिलिंग (प्रवेश) - २५ ऑगस्ट २०२० पर्यंत - रिक्त जागांवर प्रवेशांची अंतिम तारीख - ३१ ऑगस्ट - आता जे विद्यार्थी इंजीनिअरिंग आणि अन्य तंत्र संस्थांमध्ये शिकत आहेत त्यांचं नवं सत्र सुरू होण्याची तारीख - १ ऑगस्ट २०२० - नव्या विद्यार्थ्यांसाठी नवं सत्र सुरू होण्याची तारीख - १ सप्टेंबर २०२० - रिफंडसह प्रवेश रद्द करण्याची अंतिम तारीख - २५ जुलै २०२० - विविध PGDM / PGCM प्रवेशांची अंतिम तारीख - ३१ जुलै २०२० - मुक्त अभ्यासक्रमांच्या प्रवेशांची अंतिम तारीख - १५ ऑगस्ट २०२० आणि १५ फेब्रुवारी २०२१ याशिवाय AICTE ने काही महत्त्वाच्या सूचनादेखील केल्या आहेत. त्या अशा आहेत - - शैक्षणिक सत्र २०२०-२१ साठी कोणतीही संस्था प्रवेश किंवा अन्य शुल्क वाढवणार नाही. - संस्था ऐच्छिक स्वरुपात एआयसीटीईने सांगितलेल्या कॅलेंडरनुसार ऑनलाइन वर्ग सुरू करू शकतात. नंतर परिस्थिती सामान्य झाल्यावर एमएचआरडीचं नोटिफिकेशन जारी झाल्यानंतर ऑफलाइन वर्ग सुरू करू शकतात. - जर २०१९-२० या शैक्षणिक वर्षात पहिल्या वर्षाच्या विद्यार्थ्यांची परीक्षा शिल्लक असेल तर २९ एप्रिल २०२० रोजी यूजीसीने जारी केलेल्या परिपत्रकानुसार त्या विद्यार्थ्यांना प्रमोट केले जाऊ शकते. - लॉकडाऊनमुळे अनेक संस्थांनी यूजी कोर्सेसच्या अंतिम परीक्षा घेतलेल्या नाहीत. अशा संस्थांच्या विद्यार्थ्यांना प्रोव्हिजनल प्रवेश देता येतील. मात्र या विद्यार्थ्यांनी ३१ डिसेंबर २०२० पर्यंत ग्रॅज्युएशन प्रमाणपत्र देणे बंधनकारक आहे.

from Career News in Marathi: Career News, मराठी Career बातम्या | Maharashtra Times https://ift.tt/35E5rfl
via IFTTT