व्हायरॉलॉजीतलं करिअर; लाखोंचं पॅकेज आणि आव्हानही!

विषाणूची रचना आणि कार्य आणि विषाणूंच्या संसर्गामुळे होणा-या आजारांचा अभ्यास विज्ञानाच्या ज्या शाखेच्या अंतर्गत केला जातो त्या शाखेला व्हायरॉलॉजी म्हणतात. जे हा अभ्यास करतात त्यांना म्हणतात. मॉलिक्युलर स्तरावर तज्ज्ञ या प्रक्रियेचा अभ्यास करतात. व्हायरलॉजिस्टची कारकीर्द खूप आव्हानात्मक आहे. व्यावसायिकांना या क्षेत्राबद्दल सखोल ज्ञान असणे आवश्यक आहे. काही व्हायरॉलॉजिस्ट अलीकडेच सापडलेल्या अँटीव्हायरल कंपाऊंडचं डिझाइन आणि त्यांच्या कार्याचा अभ्यास करतात. व्हायरॉलॉजिस्ट प्रामुख्याने प्रयोगशाळेत काम करतात. व्हायरॉलॉजिस्ट होण्यासाठी जीवशास्त्रात पार्श्वभूमी असणे आवश्यक आहे. उमेदवारांना बारावीपर्यंत जीवशास्त्र विषय असणे आवश्यक आहे. संधी जगातील सर्वात धोकादायक आजारांचे कारण व्हायरस आहे. सध्या करोनामुळे संपूर्ण जग याचा अनुभव घेत आहे. यापूर्वीही अनेक विषाणूंनी जगभरात संहार केला आहे. म्हणूनच, व्हायरॉलॉजी क्षेत्रात कारकीर्दीची भरपूर संधी आहे. शिवाय या क्षेत्रातील स्पर्धा खूपच कमी आहे. पात्रता लाइफ सायन्स किंवा बायोकेमिस्ट्रीमध्ये मजबूत पार्श्वभूमी असावी लागते. मास्टर लेव्हल प्रोग्राम्समध्ये कोर्सवर्क, लॅब स्टडी आणि रिसर्च यांचा समावेश आहे. हा १२ महिन्यांचा किंवा त्याहून अधिक कालावधीचा अभ्यासक्रम असू शकतो. रिसर्च स्पेशालिस्ट होण्यासाठी विद्यार्थी पीएचडी असणे आवश्यक आहे. विषाणूशास्त्रातील बहुतेक अभ्यासक्रम हा मॉलिक्युलर बायोलॉजी किंवा वैद्यकीय पदवीधर अभ्यासक्रमाचा भाग असतो. संस्था भारतातील अनेक विद्यापीठांमध्ये व्हायरॉलॉजीतील एमएससी अभ्यासक्रम शिकवले जातात. सावित्रीबाई फुले पुणे विद्यापीठ (नॅशनल इन्स्टिट्यूट ऑफ व्हायरोलॉजी, पुणे यांच्या सहकार्याने) - महाराष्ट्र, मणिपाल युनिव्हर्सिटी - कर्नाटक, अ‍ॅमिटी युनिव्हर्सिटी - उत्तर प्रदेश, वेंकटेश्वर विद्यापीठ - आंध्र प्रदेश इत्यादी. परदेशी विद्यापीठे जगातील अनेक टॉप विद्यापीठे पदवी स्तरावरील व्हायरॉलॉजीचा अभ्यासक्रमदेखील शिकवता. त्यापैकी काही विद्यापीठांची नावे अशी आहेत - हार्वर्ड विद्यापीठ - अमेरिका; पेनसिल्व्हानिया विद्यापीठ - अमेरिका; ग्लासगो विद्यापीठ - यूके; इम्पीरियल कॉलेज लंडन - यूके; केंब्रिज विद्यापीठ - यूके; टोरोंटो विद्यापीठ - कॅनडा; मेलबर्न विद्यापीठ - ऑस्ट्रेलिया नोकरीच्या शक्यता व्हायरॉलॉजिस्टच्या बर्‍याच नोकर्‍या आहेत. सार्वजनिक आणि खाजगी क्षेत्रात दोन्हीत नोकरीची संधी असते. हॉस्पिटल, डायग्नोस्टिक सेंटर, फार्मास्युटिकल कंपन्या, संशोधन संस्था, सरकारी संस्था, अन्न उद्योग, शेती इत्यादींमध्ये व्हायरॉलॉजिस्टकरता भरपूर संधी आहेत. वेतन व्हायरॉलॉजी क्षेत्रात पगाराचे पॅकेज खूप चांगले आहे. दहा लाखांपासून ४०-५० लाखांपर्यंतचं वार्षिक पॅकेजही ऑफर केलं जातं.

from Career News in Marathi: Career News, मराठी Career बातम्या | Maharashtra Times https://ift.tt/3cg8FYY
via IFTTT