जेईई अॅडव्हान्स्ड परीक्षेची तारीख जाहीर

देशभरातील आयआयटींमधील अभियांत्रिकी अभ्यासक्रमांची प्रवेश परीक्षा जेईई अॅडव्हान्स्ड ऑगस्ट महिन्यात होणार आहे. परीक्षेची तारीखही आज आयआयटी दिल्लीने जाहीर केली. जेईई अॅडव्हान्स्ड परीक्षा २३ ऑगस्ट रोजी आयोजित करण्यात आली आहे. यंदा आयआयटी दिल्लीकडे जेईई परीक्षांच्या आयोजनाची जबाबदारी आहे. यापूर्वी केंद्रीय मनुष्यबळ मंत्री डॉ. रमेश पोखरियाल यांनी जेईई मेन परीक्षांच्या तारखांची घोषणा केली होती. ५ मे रोजी एका वेबिनारमध्ये विद्यार्थ्यांशी संवाद साधताना त्यांनी माहिती दिली होती. त्यानुसार जेईई मेन १८ ते २३ जुलै २०२० या कालावधीत होणार आहे. साधारणपणे जेईई मेन परीक्षा झाल्यानंतर महिनाभराच्या कालावधीत जेईई अॅडव्हान्स्ड परीक्षा घेण्यात येते. म्हणूनच जेईई मेन २३ जुलै रोजी संपल्यानंतर बरोबर एक महिन्याने २३ ऑगस्ट २०२० रोजी जेईई अॅडव्हान्स्ड परीक्षा घेण्याचे निश्चित करण्यात आले आहे. यापूर्वीच्या म्हणजे लॉकडाऊनपूर्वीच्या वेळापत्रकानुसार, जेईई अॅडव्हान्स्ड १७ मे रोजी होणार होती. मात्र देशातील लॉकडाऊन स्थितीमुळे सर्व परीक्षा लांबणीवर टाकण्यात आल्या. जेईई मेन परीक्षाही लांबणीवर पडली, त्यामुळे साहजिक १७ मे रोजी होणारी अॅडव्हान्स्ड परीक्षाही स्थगित करण्यात आली होती. जेईई मेनचा निकाल जाहीर झाल्यानंतर मेरिट लिस्ट लागेल. त्यानंतर टॉपच्या सुमारे २.५० लाख उमेदवारांना जेईई अॅडव्हान्स्ड परीक्षेला बसण्याची संधी दिली जाईल. JEE Advanced 2020 च्या वेबसाइट वर जाण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/2YEi6h7
via IFTTT