लॉकडाऊनदरम्यान करू शकाल हे फ्रीलान्सिंग जॉब

कोविड-१९ महामारीमुळे लोकांना घरीच राहावं लागत आहे. अनेकांवर बेकारीचं सावट आहे. अशा वेळी घरीच राहून तुम्ही कामं करू शकता. आम्ही तुम्हाला सांगतोय फ्रीलान्सिंगचे असे पाच प्रकारचे जॉब जे तुम्ही घरबसल्या करू शकाल आणि थोडीफार कमाईदेखील करू शकाल... कॉपीरायटर्स कॉपीरायटर्सचं काम असतं ओरिजनल कंटेंट लिहिणं. असं कंटेंट जे लोकांना आकर्षित करेल आणि क्लायंटचं उद्दिष्टही गाठेल. कॉपीरायटर्सची गरज प्रत्येक क्षेत्रात असते. टेक्निकल फर्म असो की कोणतीही फर्म, जाहिरात एजन्सी कुठेही कॉपीरायटर्सना मागणी असते. मीडियातही खास विषयावर लिहिण्यासाठी कॉपीरायटर्स हवे असतात. ऑनलाइन टीचर लोक लॉकडाऊनमध्ये सोशल डिस्टन्सिंगचं पालन करत आहेत. या रोगापासून वाचण्यासाठी हा एकमात्र उपाय आहे. शाळा बंद आहेत. अभ्यासही ऑनलाइन केला जातोय. जर तुम्हाला शिकवायला आवडतं तर ऑनलाइन टीचिंग हे तुमच्यासाठी उपयुक्त काम आहे. तुम्ही प्रायव्हेट ट्युयर बनू शकता आणि व्हिडिओ कॉलिंगच्या माध्यमातून विद्यार्थ्यांना शिकवू शकता. अनुवादक जर तुमचं भाषेवर प्रभुत्व आहे तर तुम्ही अनुवादक किंवा ट्रान्सलेटरचं काम करू शकता. ट्रान्सलेटरच्या कामाचं वैशिष्ट्य असं की तुम्हाला तास, ठिकाण, शेड्युल याबाबत खूपच लवचिकता मिळते. व्हिडिओ एडिटर / प्रोड्युसर आजकाल व्हिडिओ फॉरमॅट खूप लोकप्रिय होत आहे. डेटा जेव्हापासून स्वस्त झाला आहे, लोक बातम्या वाचण्याऐवजी व्हिडिओ पाहणं पसंत करतात. याव्यतिरिक्त मनोरंजन आणि अन्य प्रकारचे व्हिडिओंची देखील सोशल मीडियावर चलती आहे. म्हणूनच असे व्हिडिओ तयार करणाऱ्या किंवा एडिट करणाऱ्या व्हिडिओ एडिटरला खूप मागणी आहे. तुम्ही रिकाम्या वेळी व्हिडिओ एडिटिंग करू शकता. सोशल मीडिया मॅनेजर सोशल मीडिया मॅनेजर कंपनीच्या सोशल मीडिया स्ट्रॅटेडीचं प्लानिंग करणं, ते कार्यान्वित करणं आणि त्याच्यावर देखरेख ठेवणं हे काम करतात. ही सर्व कामे तुम्ही घरून देखील करू शकता. म्हणूनच लॉकडाऊनदरम्यान फ्रीलान्स जॉबचा हादेखील एक चांगला पर्याय आहे.

from Career News in Marathi: Career News, मराठी Career बातम्या | Maharashtra Times https://ift.tt/3bab4TU
via IFTTT