जेईई मेन २०२०: मॉक टेस्टसाठी 'ही' पुस्तके बेस्ट

या आठवड्यात केंद्रीय मनुष्यबळ विकास मंत्री रमेश पोखरियाल 'निशंक' यांनी जेईई मेन आणि एनईईटी २०२० परीक्षेची तारीख जाहीर केली. जेईई मेनची परीक्षा १८ ते २३ जुलै २०२० या कालावधीत असेल तर एनईईटीची परीक्षा २६ जुलै रोजी होईल. जेईई अॅडव्हान्स्ड परीक्षा २३ ऑगस्ट रोजी होईल. शिल्लक शेवटच्या या वेळात जास्तीत जास्त देणे चांगले. आम्ही तुम्हाला अशा काही पुस्तकांबद्दल सांगणार आहोत ज्या पुस्तकांमध्ये अशा खूप मॉक टेस्ट आहेत. या मॉक टेस्टच्या मदतीने तुम्ही तुमची तयारी अधिक चांगली करू शकता, जेणेकरून जेईई क्रॅक करण्याची शक्यता वाढेल. अरिहंत अरिहंतच्या तज्ञांनी हे पुस्तक तयार केले आहे. या पुस्तकाचे पूर्ण नाव 15 Practice Sets for by Arihant Experts असं आहे. यात १५ सराव संच आणि ५५ युनिट टेस्ट व्यतिरिक्त, मागील ६ वर्षातील प्रश्नपत्रिकांची उत्तरे दिली आहेत. परीक्षेला अवघे दोन महिने शिल्लक असताना, हे पुस्तक तुम्हाला खूप उपयोगी पडेल. दिशा तज्ज्ञांची मॉक टेस्ट या पुस्तकाचे नाव 15 Mock Tests for NTA JEE Main 2020 by Disha Experts आहे. या पुस्तकांत च्या नव्या पॅटर्ननुसार, १५ मॉक टेस्ट दिल्या आहेत. प्रत्येक परीक्षेमध्ये भौतिकशास्त्र, रसायनशास्त्र आणि गणिताशी संबंधित २५ प्रश्नांचा समावेश असेल. दिशाच्या मॉक टेस्टवरील आणखी एक चांगले पुस्तक म्हणजे - Super 10 Mock Tests for NTA JEE Main 2020 by Disha Experts. यामध्ये, १० मॉक टेस्ट आहेत. मागील तीन वर्षांच्या प्रश्नपत्रिका उत्तरांसह दिल्या आहेत. यात लेटेस्ट एक्झाम पॅटर्ननुसार, ११०० हून अधिक बहुपर्यायी प्रश्न आहेत. जीकेपी मॉक टेस्ट या पुस्तकाचे नाव NTA (National Testing Agency) IIT JEE Mains- Mock Tests by GKP असे आहे. या पुस्तकात १५ मॉक टेस्ट आहेत. याशिवाय मागील वर्षांच्या परीक्षांच्या प्रश्नपत्रिका उत्तरांसह दिल्या आहेत. करिअर पॉईंट, कोटाच्या मॉक टेस्ट कोटाच्या करिअर पॉईंटचे 10 Full Syllabus Mock Tests for JEE (Main) By Career Point, Kota या नावाचे पुस्तक आहे. जेईई मेनच्या तयारीत हे पुस्तक खूप उपयुक्त ठरेल. परीक्षेचा सध्याचा कल लक्षात घेऊन याची रचना केली गेली आहे. परीक्षेत प्रश्नपत्रिका सोडवण्यासाठी कोणती रणनीती आखायची याची माहिती देखील या पुस्तकात देण्यात आली आहे. विद्यार्थ्यांना ही स्ट्रॅटेजी उपयोगी ठरेल.

from Career News in Marathi: Career News, मराठी Career बातम्या | Maharashtra Times https://ift.tt/2Wf2yyE
via IFTTT