करोनामुळे पहिल्यांदा ऑनलाइन होणार 'ही' परीक्षा

एलसॅट इंडिया ही परीक्षा आतापर्यंत पेपर-पेन्सिल मोड म्हणजेच ऑफलाइन होती. ही भारताची पहिली आणि एकमेव विधी प्रवेश परीक्षा असेल जी आता पूर्णपणे ऑनलाईन होणार आहे. कोविड -१९ साथीच्या पार्श्वभूमीवर ही परीक्षा ऑनलाईन करण्याचा निर्णय घेण्यात आला आहे. यामुळे विद्यार्थ्यांना परीक्षा देणं सोयीचं होईल. ते निश्चिंतपणे आपल्या घरी बसून देशातील विधी महाविद्यालयांमध्ये प्रवेश घेऊ इच्छिणारे उमेदवार १४ जून २०२० पासून एलसॅट-इंडिया ऑनलाईन देऊ शकतील. या चाचणीचं आयोजन कृत्रिम बुद्धिमत्तेवर आधारित सॉफ्टवेअरच्या मदतीने केले जाणार आहे. संगणक-आधारित परीक्षांच्या क्षेत्रातील जागतिक पातळीवरची दिग्गज कंपनी पीअर्स व्हीयुईने हे आर्टिफिशिअल इंटेलिजन्सवर आधारित ऑनलाइन सोल्युशन उपलब्ध करून दिले आहे. या सॉफ्टवेअरच्या मदतीने उमेदवार सुरक्षित पद्धतीने परीक्षा देऊ शकतील. पिअरसन व्हर्च्युअल युनिव्हर्सिटीच्या अस्तित्वाच्या २५ वर्षांत पहिल्यांदाच अशा प्रकारचं ऑनलाइन सॉफ्टवेअर उपलब्ध करून देण्यात आले आहे. एलएसएसीचे अध्यक्ष आणि मुख्य कार्यकारी अधिकारी केली टेस्टी म्हणाले, 'जगभरातील कोविड -१९ या साथीच्या रोगाचा प्रसारामुळे कामकाजावर परिणाम झाला आहे. हे लक्षात घेऊन आम्ही विद्यार्थ्यांच्या सोयीसाठी पिअरसन व्हीयूयू बरोबर भागीदारी केली आहे. या टेस्ट डिलिव्हरी सिस्टिममधेय अनेक तांत्रिक वैशिष्ट्ये आहेत, ज्यांच्या मदतीने पारदर्शकपणे परीक्षा पार पाडली जाऊ शकते.' एलसॅट-इंडिया ही एक स्टँडर्ड टेस्ट आहे. या परीक्षेच्या आधारे देशातील अनेक विधी महाविद्यालयांचे प्रवेश होतात.

from Career News in Marathi: Career News, मराठी Career बातम्या | Maharashtra Times https://ift.tt/2SPRMNd
via IFTTT