सीबीएसई दहावी, बारावीच्या उर्वरित परीक्षा 'या' दिवशी

नवी दिल्ली: केंद्रीय माध्यमिक शिक्षण मंडळ अर्थात सीबीएसई बोर्डाच्या प्रलंबित २९ विषयांच्या परीक्षा १ जुलै ते १५ जुलै २०२० या कालावधीत आयोजित केल्या जाणार आहेत. केंद्रीय मनुष्यबळ विकास मंत्री रमेश पोखरियाल यांनी ही घोषणा शुक्रवारी ८ मे रोजी केली. या परीक्षा देशातील लॉकडाउन स्थितीमुळे लांबणीवर पडल्या होत्या. सीबीएसई दहावीच्या ईशान्य दिल्ली भागातील केंद्रांवरील सहा विषयांच्या परीक्षा प्रलंबित आहेत. तेथील तत्कालीन हिंसाचारामुळे या परीक्षा स्थगित करण्यात आल्या होत्या. याही परीक्षांचा त्या २९ परीक्षांमध्ये समावेश आहे. उर्वरित परीक्षा बारावीच्या आहेत. 'सीबीएसई बोर्डाच्या परीक्षा १ जुलै ते १५ जुलै या कालावधीत घेतल्या जाणार आहेत. विद्यार्थ्यांकडे अभ्यासाकरिता भरपूर वेळ आहे,' असे पोखरियाल म्हणाले. यापूर्वी १ एप्रिल २०२० रोजी सीबीएसईने जाहीर केले होते की दहावी, बारावीच्या प्रलंबित विषयांपैकी केवळ २९ मुख्य विषयांच्या परीक्षा होतील. इतर विषयांचे मूल्यांकन कसे केले जावे, याबाबतच्या सूचना सीबीएसई बोर्डाकडून लवकरच जाहीर केल्या जातील, असेही सांगण्यात आले होते. या २९ विषयांच्या परीक्षा आहेत शिल्लक - इयत्ता दहावी - संपूर्ण देशात - कोणताही विषय नाही ईशान्य दिल्लीत हिंदी कोर्स ए हिंदी कोर्स बी इंग्लिश कम्युनिकेशन इंग्लिश लॅंग्वेज अँड लिटरेचर सायन्स सोशल सायन्स इयत्ता बारावी - संपूर्ण देशात बिजनेस स्टडीज भूगोल हिंदी (इलेक्टिव) हिंदी (कोअर) होम सायन्स सोशियोलॉजी कॉम्प्युटर सायन्स (ओल्ड) कॉम्प्युटर सायन्स (न्यू) इन्फॉर्मेशन प्रॅक्टिस (ओल्ड) इन्फॉर्मेशन प्रॅक्टिस (न्यू) इन्फॉर्मेशन टेक्नॉलॉजी बायो-टेक्नॉलॉजी ईशान्य दिल्लीत इंग्लिश इलेक्टिव (एन) इंग्लिश इलेक्टिव (सी) इंग्लिश कोअर मॅथ्स इकॉनॉमिक्स बायोलॉजी पॉलिटिकल सायन्स हिस्ट्री फिजिक्स अकाउंटन्सी केमिस्ट्री

from Career News in Marathi: Career News, मराठी Career बातम्या | Maharashtra Times https://ift.tt/3cgSf2K
via IFTTT