NEET 2020: करोनास्थितीमुळे परीक्षा प्रक्रियेत बदल

देशातील वैद्यकीय आणि दंत वैद्यक पदवी अभ्यासक्रमांच्या प्रवेशासाठी नीट NEET UG 2020 ही परीक्षा होते. यंदा या परीक्षेला सुमारे १६ लाख उमेदवारांनी अर्ज केला आहे. केंद्रीय मनुष्यबळ विकास मंत्री डॉ. रमेश पोखरियाल यांनी आपल्या वेबिनारमध्ये ही माहिती दिली होती. आता अशी माहिती पुढे येत आहे की यंदा नीट परीक्षेच्या बैठक व्यवस्थेत बदल करण्याचा विचार एनटीए अर्थात नॅशनल टेस्टिंग एजन्सी करत आहे. परीक्षेच्या दरम्यान दोन विद्यार्थ्यांमध्ये किमान २ मीटर अंतर ठेवलं जाणार आहे. पूर्वी हे अंतर एक मीटर किंवा त्याहूनही थोडं कमी असायचं. हा बदल करोना महामारीच्या पार्श्वभूमीवर खबरदारी म्हणून करण्यात येत आहे. विद्यार्थ्यांमध्ये अंतर वाढलं तर वर्गात पूर्वीच्या क्षमतेच्या अर्धेच विद्यार्थी बसू शकणार आहेत. परिणामी एनटीएला केंद्रे दुप्पट करावी लागणार आहेत. सामान्य परिस्थितीत एनटीए सुमारे तीन हजार केंद्रांवर परीक्षा घेते. आता देशभरात नीटसाठी सुमारे ६ हजार केंद्रे असतील. नीट परीक्षा ऑफलाइन घेण्यात येते. यंदा ही परीक्षा २६ जुलै २०२० रोजी होणार आहे. एनटीए च्या संकेतस्थळावर जाण्यासाठी NEET च्या संकेतस्थळावर जाण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/2LfUZS5
via IFTTT