UGC-Net कधी? केंद्रीय मंत्र्यांनी दिली माहिती

केंद्रीय मनुष्यबळ विकास मंत्री डॉ. रमेश पोखरियाल यांनी मंगळवारी वेबिनारद्वारे विद्यार्थ्यांशी संवाद साधला. त्यांनी यावेळी जेईई मेन, नीट परीक्षांच्या तारखा जाहीर केल्या. सीबीएसई बोर्डाच्या दहावी, बारावी परीक्षांच्या बाबतीतही ते बोलले. तसेच यूजीसी नेटच्या बाबतीतही त्यांनी माहिती दिली. कधी? यूसीजी नेटच्या बाबतीत त्यांनी तारीख सांगितली नसली तरी हे जरूर सांगितलं आहे की जूनमध्ये अनेक परीक्षा होणार आहेत. यूजीसी नेट परीक्षेच्या तारखेबाबत लवकरच घोषणा होईल, असं ते म्हणाले. दरम्यान, यूजीसी नेट परीक्षेसाठी अर्ज करण्यास मुदतवाढ देण्यात आली आहे. आता उमेदवार १६ मे रोजी रात्री ११.५० पर्यंत अर्ज करू शकतात आणि शुल्क भरू शकतात. मात्र अॅप्लिकेशन फॉर्ममध्ये दुरुस्तीची मुदत आधी १८ ते २४ एप्रिल होती, ही प्रक्रिया तूर्त स्थगित करण्यात आली आहे. तसेच अॅडमिट कार्ड डाऊनलोड करण्याची अंतिम मुदत १५ मे होती, ती स्थगित करण्यात आली आहे. १५ ते २० जून या कालावधीत परीक्षा होणार होती, तीही लांबणीवर पडली आहे. सीएसआयआर यूजीसी नेट उमेदवारांना दिलासा नॅशनल टेस्टिंग एजन्सीने सीएसआयआर-यूजीसी नेट २०२० देणाऱ्या उमेदवारांना दिलासा दिला आहे. उमेदवारांना आता कास्ट आणि रिझल्ट सर्टिफिकेट अपलोड करण्यापासून सध्या सवलत दिली आहे. प्रमाणपत्र मिळवणे आणि अपलोड करणे लॉकडाऊनच्या काळात कठिण आहे. त्यामुळे परिस्थिती सामान्य झाल्यावर आवश्यक प्रमाणपत्र अपलोड करता येतील.

from Career News in Marathi: Career News, मराठी Career बातम्या | Maharashtra Times https://ift.tt/3b5Vrgg
via IFTTT