दिल्ली विद्यापीठाची पदवीपूर्व विद्यार्थ्यांची परीक्षा रद्द

दिल्ली विद्यापीठाने दुसऱ्या आणि चौथ्या सत्राची पदवीपूर्व अभ्यासक्रमाच्या विद्यार्थ्यांची परीक्षा रद्द केली आहे. दिल्ली विद्यापीठाने जारी केलेल्या नोटिफिकेशनमध्ये ही माहिती देण्यात आली आहे. या विद्यार्थ्यांची ग्रेडिंग करण्यासाठी अंतर्गत मूल्यमापनाचे ५० टक्क्यांपैकी गुण आणि मागील सत्रांचे, एकंदर कामगिरीचे ५० टक्क्यांपैकी गुण अशा प्रकारे मूल्यांकन करण्यात येणार आहे. १ जुलै पासून होणार ओपन बुक टेस्ट डीयूच्या ओपन बुक टेस्ट १ ते ११ जुलै २०२० दरम्यान होणार आहेत. कोविड - १९ मुळे ओपन बुक टेस्ट पद्धती एकदाच होणार आहे. या ओपन बुक टेस्टला विद्यार्थी आणि शिक्षकवर्गातून मोठा विरोध होत होता. काही विद्यार्थी आपापल्या घरी निघून गेले आहेत. त्यांच्याकडे सोबत पुस्तके नाहीत, त्यामुळे त्यांचा या परीक्षेला विरोध होता. याशिवाय ग्रामीण भागात इंटरनेट आणि कॉम्प्युटरची उपलब्धता हीदेखील एक समस्या होती. परीक्षेचा पॅटर्न परीक्षा दोन तासांच्या कालावधीची असणार आहे. दोन तासांव्यतिरिक्त एक तास अतिरिक्त देण्यात येणार आहे, या वेळेत प्रश्नपत्रिका डाऊनलोड करून आणि स्कॅन करून उत्तरपत्रिका अपलोड करायची आहे. विद्यार्थ्यांनी परीक्षा सुरू झाल्यावर तीन तासांच्या आत पोर्टलवर उत्तरपत्रिका अपलोड करायचे आहे. विद्यार्थ्यांना डेटशीटप्रमाणे परीक्षा द्यायची आहे.

from Career News in Marathi: Career News, मराठी Career बातम्या | Maharashtra Times https://ift.tt/2A3vNfx
via IFTTT