१२ वी उत्तीर्णांसाठी स्कॉलरशीपची संधी; मिळणार १ लाख रुपये

निकॉन कार्यक्रम २०२० चा उद्देश समाजातील वंचित घटकांना छायाचित्रण संबंधित पाठ्यक्रमांसाठी आर्थिक सहाय्य देणे आहे. ज्या विद्यार्थ्यांनी १२ वी उत्तीर्ण केली आहे आणि त्यांनी ३ महिन्यांच्या किंवा त्याहून अधिक फोटोग्राफी संबंधित कोर्समध्ये प्रवेश घेतला आहे, अशा विद्यार्थ्यांसाठी ही शिष्यवृत्ती आहे. हा निकॉन इंडिया प्रायव्हेट लिमिटेडचा उपक्रम आहे. इमेजिंग आणि ऑप्टिक्समध्ये निकॉन इंडिया जगातली अव्वल कंपनी आहे. कॉर्पोरेट सामाजिक उत्तरदायित्वाचा भाग (कॉर्पोरेट सोशल रिस्पॉन्सिबिलीटी) म्हणून निकॉन इंडिया शिष्यवृत्ती देत आहे. वर्षानुवर्षे ही कंपनी शिक्षणाला प्रोत्साहन देण्यासाठी बर्‍याच उपक्रमांचे आयोजन करीत आहे. पात्रता * विद्यार्थी ३ महिन्यांचा किंवा त्याहून अधिक कालावधीचा फोटोग्राफीचा कोर्स करत असायला हवा. * विद्यार्थी बारावी उत्तीर्ण असावा. * कुटुंबाचे वार्षिक उत्पन्न वर्षाकाठी 6 लाख रुपयांपेक्षा कमी असावे. * निकॉन इंडिया प्रायव्हेट लिमिटेडमध्ये काम करणार्‍या कर्मचार्‍यांची मुले पात्र नाहीत. हेही वाचा: शिष्यवृत्तीची रक्कम निवडलेल्या विद्यार्थ्यांना एक लाख रुपयांपर्यंतची रक्कम शिष्यवृत्ती म्हणून दिली जाईल . अर्ज करण्याची अंतिम तारीख ३० जून, २०२० पर्यंत निकॉन इंडिया शिष्यवृत्ती प्रोग्रामसाठी अर्ज करता येतील. अर्ज कसा करावा अर्ज करण्यासाठी आपल्या ईमेल / फेसबुक / जीमेल खात्यासह लॉगिन करा. त्यानंतर आपण निकॉन शिष्यवृत्ती प्रोग्रामच्या डिटेल पेजवर तुम्ही जाल. अर्ज प्रक्रिया सुरू करण्यासाठी Apply Now बटणावर क्लिक करा. ऑनलाईन अर्जात आवश्यक तपशील भरा. अर्ज प्रक्रियेचा एक भाग म्हणून आवश्यक कागदपत्रे अपलोड करा. अर्ज प्रक्रिया पूर्ण करण्यासाठी सबमिट बटणावर क्लिक करा.

from Career News in Marathi: Career News, मराठी Career बातम्या | Maharashtra Times https://ift.tt/2Y6vqsD
via IFTTT