इग्नूच्या विद्यार्थ्यांसाठी जुलै २०२० असाइनमेंट्स जारी

नवी दिल्ली: इंदिरा गांधी नॅशनल ओपन युनिव्हर्सिटीने () शुक्रवारी ५ जून २०२० रोजी जानेवारी / जुलै २०२० च्या विविध शैक्षणिक कार्यक्रमांसाठी असाइनमेंट्स जारी केल्या आहेत. आपल्या अभ्यासक्रमांची असाइनमेंट तपासण्यासाठी व डाउनलोड करण्यासाठी इग्नूचे विद्यार्थी अधिकृत वेबसाईट .ac.in पाहू शकतात. तसेच विद्यार्थी खाली दिलेल्या थेट लिंकवर क्लिक करून असाईनमेंट देखील डाउनलोड करू शकतात. जुलै २०२० प्रवेश सत्राच्या विद्यार्थ्यांसाठी असाइनमेंट्स सादर करण्याची अंतिम तारीख ३१ ऑक्टोबर २०२० आहे. विद्यार्थ्यांनी त्यांचे असाइनमेंट दिलेल्या वेळेत त्यांच्या अभ्यास केंद्राच्या समन्वयकांकडे सादर करायचे आहेत. इग्नूची सत्रअखेर परीक्षा देण्यासाठी असाइनमेंट सादर करणे आवश्यक आहे. असाइनमेंटच्या पहिल्या पानावर विद्यार्थ्यांना त्यांचा नाव, नोंदणी क्रमांक, पत्ता, असाईनमेंट कोड आणि अभ्यास केंद्र कोड लिहावा लागेल आणि भविष्यातील वापरासाठी त्यांच्या असाइनमेंटची फोटोकॉपी ठेवावी लागेल. यापूर्वी इग्नूने विद्यार्थ्यांना हातांनी लिहिलेल्या स्कॅनची प्रत ३० जानेवारीपर्यंत प्रादेशिक केंद्रांवर पाठविण्याचे निर्देश दिले होते. सर्व प्रादेशिक केंद्रांनी असाइनमेंट सबमिट करण्यासाठी ईमेल आयडी तयार केले आहेत. उदाहरणार्थ, प्रादेशिक केंद्र दिल्ली -१ च्या विद्यार्थ्यांना त्यांचे असाइनमेंट्स assignmentsrcdelhi1@ignou.ac.in या ईमेल वर पाठवायचे आहेत. असाईनमेंटच्या फाइलवर कोर्स कोड, अभ्यास केंद्र कोड आणि नोंदणी क्रमांक लिहावा लागेल.

from Career News in Marathi: Career News, मराठी Career बातम्या | Maharashtra Times https://ift.tt/30dUFvL
via IFTTT