'या' दोन राज्यांमध्ये दहावीची परीक्षा रद्द

Class 10 board exam cancelled amid Corona Pandemic: करोना विषाणू कोविड - १९ मुळे आणि लॉकडाऊनमुळे दहावी-बारावीच्या परीक्षांसाठी वेगवेगळे बोर्ड वेगवेगळे निर्णय घेत आहेत. सीबीएसई आणि आयसीएसई बोर्डाने सर्व प्रमुख विषयांची संपूर्ण परीक्षा घेण्याचा निर्णय घेतला आहे. बर्‍याच राज्यांनी एक किंवा दोन विषयांची परीक्षा रद्द करण्याचा निर्णय घेतला आणि वेगवेगळ्या प्रकारे मूल्यांकन करण्याचा निर्णय घेतला आहे. परंतु अशी दोन राज्ये देखील आहेत ज्यांनी या वर्षासाठी चक्क दहावीच बोर्डाची परीक्षा रद्द केली आहे. ही राज्ये आहेत तामिळनाडू आणि पुडुचेरी. तामिळनाडूमध्ये १५ जून २०२० पासून दहावी बोर्डाची परीक्षा सुरू होणार होती. पण आता सद्यस्थिती लक्षात घेता मुख्यमंत्र्यांनी के. पलानीस्वामी यांनी परीक्षा न घेण्याचा निर्णय घेतला आहे. त्याच बरोबर पुडुचेरीचे मुख्यमंत्री व्ही. नारायणस्वामी यांनीही दहावीची परीक्षा रद्द करण्याची घोषणा केली आहे. विद्यार्थ्यांना प्रमोट कसे केले जाणार? तामिळनाडूच्या मुख्यमंत्र्यांनी सांगितले आहे की शाळेत अर्धवार्षिक आणि तिमाही परीक्षेच्या आधारे विद्यार्थ्यांना प्रमोट करण्यात येईल. सहामाही परीक्षेला ८० टक्के आणि तिमाही परीक्षेला २० टक्के वेटेज देण्यात येईल. दुसरीकडे, पुद्दुचेरीच्या मुख्यमंत्र्यांनीही अंतर्गत मूल्यांकनाच्या आधारे विद्यार्थ्यांना पुढील वर्गात पदोन्नती देण्याचा निर्णय घेतला आहे. काही काळापूर्वी मद्रास उच्च न्यायालयाने तामिळनाडू सरकारला असे सांगितले होते की त्यांनी परीक्षा स्थगित करण्याचा विचार करावा. महत्त्वाचे म्हणजे, करोनाच्या रुग्णसंख्येत तामिळनाडू देशात दुसर्‍या क्रमांकावर आहे.

from Career News in Marathi: Career News, मराठी Career बातम्या | Maharashtra Times https://ift.tt/2YjfOCg
via IFTTT