एम्स पीजी परीक्षेसाठी अॅडमिट कार्ड जारी

नवी दिल्ली ऑल इंडिया इन्स्टिट्यूट ऑफ मेडिकल सायन्सेस () च्या पीजी कोर्समध्ये घेण्यात येणाऱ्या विविध प्रवेश परीक्षांचे हॉलतिकीट (अॅडमिट कार्ड) त्याच्या अधिकृत वेबसाइटवर जाहीर करण्यात आले आहे. या प्रवेश परीक्षेच्या आधारे एम्सच्या एमडी, एमएस, डीएम (६ वर्षे), मास्टर ऑफ केमिस्ट्री (६ वर्षे) आणि एमडीएस अभ्यासक्रमांसाठी प्रवेश दिला जातो. प्रवेश परीक्षा ही संगणक आधारित परीक्षा आहे. ही सामान्यत: एका सत्रात घेतली जाते. एम्स पीजी प्रवेश परीक्षेमध्ये एमडी / एमएससाठी २०० आणि एमडीएससाठी ९० वस्तुनिष्ठ प्रकारचे प्रश्न असतात. पेपर इंग्रजी भाषेत असतो. ज्या उमेदवारांनी प्रवेश परीक्षेसाठी अर्ज केला आहे ते आपले प्रवेशपत्र एम्सच्या अधिकृत वेबसाइट iiimsexams.org वरून तपासू आणि डाउनलोड करू शकतात. एम्सने जाहीर केलेल्या सुधारित वेळापत्रकानुसार प्रवेश परीक्षा ११ जून, २०२० रोजी घेण्यात येणार आहेत. एम्स परीक्षांसाठी सुरक्षेची पुरेशी व्यवस्था करण्यात आली आहे. सुरक्षेबाबत कोणत्याही प्रकारे तडजोड केली जाणार नाही. हेही वाचा: एम्स पीजी अॅडमिट कार्डमध्ये थोडा बदल करण्यात आला आहे. यावर कोविड -१९ शी संबंधित घोषणा करण्यात आली आहे. कोविड - १९ शी संबंधित नियमांचे उल्लंघन केल्या, उमेदवाराला परीक्षेला बसण्यास मनाई केली जाईल. अॅडमिट कार्डवर टच फ्री एन्ट्रीसाठी एक बारकोडही असेल. विद्यार्थ्यांना परीक्षेसाठी जास्त प्रवास करावा लागणार नाही, याची काळजी घेण्यात येणार आहे. पाच शैक्षणिक अभ्यासक्रमांसाठी, ११ जून २०२० रोजी देशातील १५० हून अधिक शहरांमध्ये परीक्षा घेण्यात येणार. सामाजिक अंतर लक्षात घेऊन प्रत्येक केंद्राच्या क्षमतापेक्षा ५० % कमी विद्यार्थी असतील. उमेदवारांच्या निवडीनुसार परीक्षेच्या शहराचे वाटप करण्याचा प्रयत्न केला जात आहे.

from Career News in Marathi: Career News, मराठी Career बातम्या | Maharashtra Times https://ift.tt/3dEw5bl
via IFTTT