UPSC NDA - II 2020: आज येणार परीक्षेची अधिसूचना

केंद्रीय लोकसेवा आयोगाने अलीकडेच वर्षभराच्या सर्व परीक्षांच्या तारखांचे कॅलेंडर जारी केले आहे. यानुसार, यूपीएससी एनडीए २ आणि एनए ची परीक्षा ६ सप्टेंबर २०२० रोजी होणार आहे. या परीक्षेचं नोटिफिकेशन आज मंगळवारी १६ जून रोजी जारी होणार आहे. यूपीएससीच्या अधिकृत संकेतस्थळावर upsc.gov.in हे नोटिफिकेशन जारी होणार आहे. ही एनडीए (नॅशनल डिफेन्स अकॅडमी) आणि एनए (नेव्हल अकॅडमी) परीक्षा राष्ट्रीय स्तरावरील परीक्षा आहे. याद्वारे भारतीय वायुसेना, नौदल आणि सैन्यदलात अधिकारी होण्याचं स्वप्न तुम्ही पूर्ण करू शकता. पात्रता अर्जदार भारत, नेपाळ किंवा भूतानचा नागरीक असावा. १ जानेवारी १९६२ च्या आधी भारतात कायमस्वरुपी आलेले तिबेटी शरणार्थी असावेत. उमेदवार भारतात कायमस्वरुपी राहण्याच्या हेतूने भारतचे मूळ निवासी पाकिस्तान, श्रीलंका, केनिया, टांझानिया, युगांडा, मलावी, झांबिया, जायरे आणि इथियोपिया किंवा व्हिएतनामवरून प्रवास करून आलेला असावा. वयोमर्यादा १६ ते १९ वर्षे वैवाहिक स्थिती अविवाहित पुरुष उमेदवार अर्ज करू शकतात. उमेदवारांनी प्रशिक्षण पूर्ण होईपर्यंत लग्न न करण्याचं वचन देणं अपेक्षित आहे. शैक्षणिक पात्रता आर्मीसाठी - १२ वी किंवा समकक्ष परीक्षा उर्तीर्ण. वायू दल आणि नौदलासाठी - १२ वी किंवा समकक्ष परीक्षा फिजिक्स किंवा मॅथ्स घेऊन उत्तीर्ण. परीक्षा पॅटर्न एका लेखी परीक्षेनंतर अंतिम मुलाखत. एनडीएसाठी लेखी परीक्षेत दोन विभाग असतात. ३०० गुणांची गणित आणि ६०० गुणांची जनरल अॅबिलीटी टेस्ट असते. दोन्ही परीक्षांमध्ये वस्तुनिष्ठ स्वरुपाचे प्रश्न विचारले जातात. मुलाखतीसाठी ९०० पैकी गुण असतात.

from Career News in Marathi: Career News, मराठी Career बातम्या | Maharashtra Times https://ift.tt/2YF8il7
via IFTTT