UPSC पूर्व परीक्षेची तारीख जाहीर

केंद्रीय लोकसेवा आयोगामार्फत घेण्यात येणारी नागरी सेवा पूर्व परीक्षा ४ ऑक्टोबर रोजी होणार आहे. या परीक्षेच्या तारखेसोबतच यूपीएससीने संपूर्ण वर्षाचे परीक्षांचे वेळापत्रक जारी केले आहे. आयोगामार्फत घेण्यात येणाऱ्या एनडीए, सीएमएस आणि अन्य परीक्षांच्या तारखा आता उमेदवारांना या वार्षिक कॅलेंडरमुळे कळणार आहेत. पूर्वनियोजित वेळापत्रकानुसार नागरी सेवा पूर्व परीक्षा ३१ मे २०२० रोजी होणार होती. पण लॉकडाऊनमुळे ती स्थगित करण्यात आली होती. आयोग २० मे २०२० रोजी नागरी सेवा पूर्व परीक्षेची तारीख घोषित करणार होता. पण परिस्थिती सामान्य झाल्यानंतर परीक्षेच्या तारखेची घोषणा करण्यात येणार असल्याचे आयोगाने जाहीर केले. परिस्थितीचा आढावा घेऊन ५ जून २०२० रोजी तारखेबाबतची माहिती जाहीर केली जाणार असे आयोगाने कळवले. करोनासंदर्भातल्या स्थितीचा आढावा घेतल्यानंतर ५ जून रोजी आयोगाच्या संकेतस्थळावर या तारखेची घोषणा करण्यात येईल, असे आयोगाने कळवले होते. त्यानुसार आज केवळ नागरी सेवा पूर्व परीक्षेचीच नव्हे तर वर्षभरातील सर्व परीक्षांच्या तारखा आयोगाने जाहीर केल्या. केंद्रीय लोकसेवा आयोग (यूपीएससी) दरवर्षी नागरी सेवा परीक्षा (यूपीएससी सीएसई - सिव्हिल सर्व्हिस परीक्षा) घेते. ही देशातील सर्वात प्रतिष्ठित परीक्षा आहे. देशातील लाखो तरुण यूपीएससी सेवेचे स्वप्न पाहतात. दरवर्षी लाखो उमेदवार या परीक्षेस बसतात.या परीक्षेच्या माध्यमातून निवड झालेल्या उमेदवारांची नियुक्ती भारत सरकारच्या प्रशासकीय व इतर सेवांमध्ये केली जाते. केंद्रीय लोकसेवा आयोगामार्फत घेण्यात येणाऱ्या नागरी सेवा पूर्व परीक्षेची तारीख आणि अन्य परीक्षांची माहिती मिळवण्यासाठी आम्ही तुम्हाला थेट लिंक उपलब्ध करून देत आहोत.

from Career News in Marathi: Career News, मराठी Career बातम्या | Maharashtra Times https://ift.tt/2U7ONAr
via IFTTT