बारावी निकाल: काय आहे श्रेणीसुधार योजना? जाणून घ्या

12th Class Improvement Scheme: राज्य मंडळाचा बारावीचा निकाल ९०.६६ टक्के इतका लागला आहे. कला, वाणिज्य, विज्ञान शाखांच्या विद्यार्थ्यांना भरघोस गुण मिळाले आहेत. मात्र ज्या विद्यार्थ्यांना कमी गुण मिळाले आहेत आणि त्यांना गुण वाढवण्याची संधी हवी आहे, त्यांना राज्य मंडळ एक नव्हे तर दोन परीक्षांमध्ये पुन्हा बसण्याची संधी देते. या बद्दल अधिक माहिती जाणून घेऊया... श्रेणीसुधार किंवा गुणसुधार योजना त्याच विद्यार्थ्यांना लागू आहे, जे सर्व विषयांत उत्तीर्ण झाले आहेत. त्यांना Class Improvement Scheme अंतर्गत केवळ लगतच्या दोनच परीक्षांमध्ये पुन्हा बसण्याची संधी दिली जाते. 'श्रेणीसुधार योजनेसाठी विद्यार्थ्यांना मंडळाच्या गुणपत्रिका वितरित केल्याच्या दिनांकापासून एक महिन्यापर्यंत विकल्प देणे अनिवार्य आहे. त्यानंतर विकल्पासह जादा शुल्क आकारून सहा महिन्यापर्यंत गुणपत्रिका देण्यात येईल. सहा महिन्यांपर्यंत विकल्प न दिल्यास श्रेणीसुधारची संपादणूक रद्द करून पूर्वीचीच संपादणूक ग्राह्य धरण्यात येईल. तरी याबाबत विभागीय मंडळाशी त्वरित संपर्क साधावा,' अशी सूचना बारावी परीक्षेच्या ऑनलाइन निकालात देण्यात येते. बारावी परीक्षेत यंदा किती विद्यार्थ्यांना कोणत्या श्रेणी मिळाल्या पाहा - राज्याचा एकूण निकाल ९०.६६ राज्याचा एकूण निकाल ९०.६६ टक्के लागला आहे. कोकण मंडळाचा निकाल सर्वाधिक ९५.८ टक्के लागला आहे तर औरंगाबाद विभागाचा निकाल सर्वात कमी (८८.१८ टक्के) आहे. मागील वर्षीच्या तुलनेत निकाल ४.७८ टक्क्यांनी वाढला आहे. यंदाही मुलीच सरस ठरल्या आहेत. ९३.८८ टक्के विद्यार्थिनी तर ८८.०४ टक्के विद्यार्थी उत्तीर्ण झाले आहेत. एनसीसी, स्काउट/गाईड विद्यार्थ्यांना सवलतीचे गुण मागील दोन वर्षांपासून म्हणजेच २०१८-१९ पासून एन.सी.सी. व स्काउट / गाइडच्या विद्यार्थ्यांना उत्तीर्ण होण्यासाठी तसेच १०० टक्के गुणांच्या अधीन राहून शासन निर्णयानुसार गुण देण्यात आले आहेत. यासोबतच खेळाडू विद्यार्थ्यांनाही सवलतीचे गुण देण्यात येतात. खेळाडू विद्यार्थ्यांना हे गुण २०१५-१६ या शैक्षणिक वर्षापासून देण्यात येतात. महाराष्ट्र बोर्ड एचएससी निकाल २०२० - ग्रेडिंग सिस्टम गुण -- श्रेणी ७५% आणि पुढे -- डिस्टिंक्शन ६०% आणि पुढे -- प्रथम श्रेणी (फर्स्ट क्लास) ४५% ते ५९% -- द्वितीय श्रेणी (फर्स्ट क्लास) ३५% ते ४४% -- उत्तीर्ण श्रेणी (पास क्लास) ३५% पेक्षा कमी -- अनुत्तीर्ण

from Career News in Marathi: Career News, मराठी Career बातम्या | Maharashtra Times https://ift.tt/2B48QcC
via IFTTT