डीयू ओपन बुक टेस्ट रद्द करण्याची मागणी

दिल्ली विद्यापीठाची ओपन बुक मॉक टेस्ट पहिल्याच दिवशी अपयशी ठरली. शनिवारी ४ जुलै रोजी विद्यापीठाने या मॉक टेस्टचं आयोजन केलं होतं. मात्र पोर्टल क्रॅश झाल्याने विद्यार्थ्यांना प्रश्नपत्रिका डाऊनलोड आणि उत्तरपत्रिका अपलोड करण्यात खूप अडचणींचा सामना करावा लागला. मॉक टेस्ट देण्याऐवजी विद्यार्थी या तांत्रिक अडचणीत अडकले. मॉक टेस्टमध्ये उडालेल्या या गोंधळामुळे आता ओपन बुक टेस्टच रद्द करण्याची मागणी होत आहे. आम आदमी पार्टीचे खासदार संजय सिंह यांनी केंद्र सरकारकडे ही (ओपन बुक एक्झाम) रद्द करण्याची मागणी केली आहे. दिल्ली विद्यापीठात येत्या १० जुलै पासून ओपन बुक टेस्ट होणार आहे. या परीक्षेच्याच पार्श्वभूमीवर ४ जुलै रोजी मॉक टेस्ट ठेवण्यात आली होती. पण सकाळपासूनच विद्यार्थ्यांना अडचणींचा सामना करावा लागला. विद्यार्थी या मॉक टेस्टमध्ये सहभागी झाले, मात्र पोर्टल अनेकदा क्रॅश होण्याच्या समस्येचा त्यांना सामना करावा लागला. अनेक विद्यार्थ्यांनी मॉक टेस्ट दिली पण अपलोड करण्यात समस्या आल्या. दिवसभर विद्यार्थी विद्यापीठाकडे तक्रारी करत होती. विद्यार्थी संघटना एनएसयूआयने देखील मॉक टेस्टच्या अपयशाविरोधात डीयू प्रशासनावर कठोर टीका केली आणि परीक्षा रद्द करण्याची मागणी केली. आम आदमी पार्टीचे खासदार संजय सिंह म्हणाले, 'ऑनलाइन मॉक टेस्टची व्यवस्था दिल्ली विद्यापीठात शिकणाऱ्या चार लाख विद्यार्थ्यांच्या भवितव्यावर प्रश्नचिन्ह उभं करत आहे. याविषयी मी केंद्रीय मनुष्यबळ विकास मंत्री रमेश पोखरियाल यांना पत्र लिहून ही परीक्षा रद्द करण्याची मागणी करणार आहे.' हेही वाचा: दिल्ली विदयापीठ टीचर्स असोसिएशन (डुटा) चे अध्यक्ष डॉ. राजीव रे म्हणाले, 'जर मॉक टेस्टमध्येच इतक्या समस्या आल्या तर बुक टेस्ट मध्ये विद्यार्थ्यांचे किती हाल होतील. अशात यूजीसीने त्वरित मार्गदर्शक तत्त्वे जारी करायला हवीत.' तृतीय वर्ष बीएससीची विद्यार्थिनी नैना कश्यप म्हणाली, 'मॉक टेस्टदरम्यान उत्तरपत्रिका अपलोड करताना खूप अडचणी आल्या. सकाळी ११ वाजल्यापासून लिंक निष्क्रिय झाली होती.'

from Career News in Marathi: Career News, मराठी Career बातम्या | Maharashtra Times https://ift.tt/2Awp91w
via IFTTT