ओपन बुक टेस्ट १० जुलैलाच; दिल्ली विदयापीठ परीक्षेवर ठाम

नवी दिल्ली: ओपन बुक परीक्षा () घेण्याच्या आपल्या निर्णयावर दिल्ली विद्यापीठ ठाम आहे. दिल्ली न्यायालयाला सोमवारी विद्यापीठाने माहिती दिली की ओपन बुक परीक्षा १० जुलैपासून सुरू होतील आणि ज्यांना या परीक्षा देता येणार नाहीत अशा दृष्टिहीन आणि दिव्यांगांसह सर्व विद्यार्थ्यांनी सप्टेंबरमध्ये होणारी ऑफलाइन परीक्षा द्यावी. विद्यार्थ्यांनी ऑनलाइन परीक्षा अर्ज भरलेले असोत वा नसोत, विद्यार्थ्यांनी ओपन बुक परीक्षेची प्रश्नपत्रिका डाऊनलोड केली पण उत्तरपत्रिका अपलोड करता आली नाही, अशा सर्व प्रकारच्या विद्यार्थ्यांना सप्टेंबरमध्ये परीक्षेला बसता येणार आहे. न्या. हिमा कोहली आणि सुब्रमण्यम प्रसाद यांच्या खंडपीठाने व्हिडिओ कॉन्फरन्सिंगद्वारे ही सुनावणी घेतली. त्यांनी विद्यापीठाला आपली भूमिका स्पष्ट करणारे प्रतिज्ञापत्र ९ जुलैपर्यंत न्यायालयात सादर करण्यास सांगितले. ऑनलाइन परीक्षांना आव्हान देणाऱ्या याचिकेवर ही सुनावणी सुरू होती. प्रतीक शर्मा आणि दीक्षा सिंग यांनी ही याचिका दाखल करत दृष्टीहिन आणि दिव्यांगांसाठी या परीक्षा देण्याचं प्रभावी माध्यम तयार करा अशी याचिकाकर्त्यांची मागणी आहे. ऑनलाइन शिक्षणासाठी दिव्यांग विद्यार्थ्यांसाठी योग्य शैक्षणिक साधने विकसित करा या मागणीसाठी ही याचिका करण्यात आली होती. विद्यापीठ, शाळा, कॉलेजे आणि अन्य शैक्षणिक संस्था कोविड - १९ महामारीमुळे निर्माण झालेल्या परिस्थितीत ऑनलाइन शिक्षण देत आहेत, मात्र दृष्टिहीन आणि दिव्यांग विद्यार्थ्यांच्या समस्यांवर आयोगाने तोडगा काढावा, अशी याचिकाकर्त्यांनी केली आहे. दिल्ली विद्यापीठाची ओपन बुक परीक्षा १ जुलैपासून होणार होती. मात्र ती आणखी दहा दिवस पुढे ढकलून १० जुलैपासून ठेवण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/3iN0Xtg
via IFTTT