CBSE: कशी मिळेल गुणपत्रिका, उत्तरपत्रिकेची छायाप्रत?

CBSE Answer sheet, mark sheet, detail: केंद्रीय माध्यमिक शिक्षण मंडळ अर्थात सीबीएसईच्या दहावी आणि बारावीच्या परीक्षा रद्द झाल्यानंतर आता लाखो विद्यार्थी-पालकांना निकालाची प्रतीक्षा आहे. केंद्रीय मनुष्यबळ विकास मंत्री डॉ. रमेश पोखरियाल निशंक यांनी दिलेल्या माहितीनुसार, दहावी आणि बारावीच्या निकालांची घोषणा १५ जुलै २०२० पर्यंत होऊ शकते. निकालानंतर विद्यार्थी बोर्डाकडून फोटो कॉपी, मार्कशीट आणि गुणपत्रिका कशी मिळवू शकता यासंदर्भात येथे माहिती देत आहोत. गुणपत्रिका आणि प्रमाणपत्र दहावी आणि बारावीच्या निकालाची घोषणा झाल्यानंतर तुम्ही गुणपत्रिका प्राप्त करू शकता. बोर्ड सामान्यपणे निकालाच्या घोषणेनंतर १५ दिवसांत गुणपत्रिकेची हार्ड आणि सॉफ्ट कॉपी जारी केली जाते. गुणपत्रिकेची मूळ प्रत शाळांना पाठवते. विद्यार्थी आपापल्या शाळांमधून मार्कशीट, पासिंग सर्टिफिकेटची हार्ड कॉपी मिळवू शकतात. या व्यतिरिक्त सीबीएसई डीजीलॉकरद्वारे मार्कशीट आणि पास सर्टिफिकेट जारी करते. विद्यार्थ्यांना सीबीएसईमध्ये त्यांच्या रजिस्टर्ड मोबाइल क्रमांकावर डीजीलॉकरचं यूजरनेम आणि अन्य तपशील एसएमएसद्वारे प्राप्त होते. जर तुमचा मोबाइल क्रमांक सीबीएसईकडे रजिस्टर्ड नसेल, तरी विद्यार्थी डीजीलॉकरमध्ये साइन अप करून आपले डिजीटल सर्टिफिकेट मिळवू शकतात. उत्तरपत्रिकेची छायाप्रत दहावी आणि बारावीच्या विद्यार्थ्यांना निकालानंतर त्यांच्या उत्तरपत्रिकेची छायाप्रत मिळू शकते. निकाल जाहीर झाल्यानंतर दिलेल्या मुदतीत सीबीएसईकडे अर्ज करावा लागेल. यासाठी बोर्डाकडून शुल्कही आकारण्यात येते. हे शुल्क देखील क्रेडिट, डेबीट कार्ड किंवा नेट बँकिंगद्वारे भरता येईल. सीबीएसईच्या cbse.nic.in या अधिकृत संकेतस्थळावरून अर्ज करता येईल. अर्जाची लिंक निकाल जाहीर झाल्यानंतर उपलब्ध करून देण्यात येईल.

from Career News in Marathi: Career News, मराठी Career बातम्या | Maharashtra Times https://ift.tt/2Z5U5iR
via IFTTT