FYJC Admission: ११ वी प्रवेश अर्ज मॉक डेमोला सुरुवात

अकरावीच्या प्रवेश अर्जातील विद्यार्थ्याच्या चूका कमी करण्यासाठी आता शालेय शिक्षण विभागाने सरावासाठी आजपासूनच ऑनलाइन प्रवेशअर्ज उपलब्ध केला आहे. विद्यार्थ्यांना २४ जुलैपर्यंत सराव करता येईल, तर प्रत्यक्ष अर्ज भरण्याची प्रक्रिया २६ जुलैपासून सुरू होणार आहे. मुंबई, पुणे, नाशिक, औरंगाबाद, अमरावती व नागपूर या महापालिका क्षेत्रात ही प्रवेश प्रक्रिया आहे. अकरावीच्या https://ift.tt/2WnqAHp या संकेतस्थळावर Mock.Demo.Registration या नावाने लिंक असणार आहे. ही लिंक ओपन करून विद्यार्थ्यांना सराव करता येणार आहे. विद्यार्थ्यांच्या प्रवेशअर्जातील भाग-१मधील माहिती प्रमाणित करण्यासाठी शाळांनी गेल्या वर्षीचेच लॉग-इन आयडी व पासवर्ड वापरावेत. तसेच करोनाच्या प्रादुर्भावामुळे निर्माण झालेल्या परिस्थितीमुळे विद्यार्थ्यांना शाळेत न बोलवता थेट कार्यवाही करण्याचेही आदेशही शिक्षण प्रवेश नियंत्रण समितीचे सचिव राजेंद्र अहिरे यांनी दिले आहेत. ...अशी असेल प्रक्रिया १. ऑनलाइन नोंदणी करणे, प्रवेशअर्ज भाग- १ भरणे व प्रवेशअर्जातील माहिती प्रमाणित करण्यासाठी शाळा / मार्गदर्शन केंद्र निवडणे आणि आपला प्रवेश अर्ज व्हेरीफाइड झाला आहे का, याची खात्री करणे. २. विद्यार्थी प्रवेशअर्जातील माहिती, भाग- १ ऑनलाइन तपासणे. आवश्यकता असल्यास विद्यार्थ्याशी दूरध्वनीवरून संपर्क साधला जाणार आहे. ही प्रक्रिया २७ जुलैपासून संबधित शाळा / मार्गदर्शन केंद्र करतील. ३. विद्यार्थ्यांनी प्रवेश अर्जाचा भाग- २ (प्रवेशासाठी पसंतीक्रम) नोंदविणे व सबमिट / लॉक करणे त्याचबरोबर नवीन अर्ज भाग १ भरता येणार आहे. ही प्रक्रिया दहावी राज्य मंडळाचा निकाल जाहीर झाल्यानंतर होईल.

from Career News in Marathi: Career News, मराठी Career बातम्या | Maharashtra Times https://ift.tt/2WlH9n2
via IFTTT