IIT प्लेसमेंट्सवर होतोय करोनाचा दुष्परिणाम

placements: करोनामुळे जगभरात जवळपास प्रत्येक क्षेत्रावर परिणाम झाला आहे. आर्थिक जगताचं तर कंबरडंच मोडलं आहे. करोना महामारी आणि त्यासाठी पुकारण्यात आलेल्या लॉकडाऊनची सर्वाधिक झळ नोकऱ्यांना बसली आहे. या वर्षी पदवी घेऊन बाहेर पडणाऱ्या तरुणांसमोर रोजगाराचं मोठं प्रश्नचिन्ह आ वासून उभं आहे. आयआयटी दिल्ली वगळता अन्य आयआयटींमधील प्लेसमेंटवरदेखील लॉकडाऊनचा परिणाम झाला आहे. आयआयटी दिल्लीच्या यंदाच्या प्लेसमेंटमध्ये मागील वर्षीच्या तुलनेत ४ टक्क्यांनी वाढ झाली आहे. मात्र अन्य आयआयटींमध्ये प्लेसमेंटचं वातावरण थंड आहे. आतापर्यंत ८५.६ टक्के यूजी आणि पीजी विद्यार्थ्यांना ऑफर लेटर्स मिळाले आहेत, पण यापैंकी बहुतांश ऑफर्सचा पुन्हा डिसेंबर प्लेसमेंटमध्ये आढावा घेतला जाईल. पहिल्या टप्प्यातील प्लेसमेंट सीझनमध्ये ९६० हून अधिक ऑफर्स आल्या आहेत. अन्य आयआयटींमध्ये देखील प्लेसमेंट मोहिमेला थंड प्रतिसाद आहे. आयआयटी गांधीनगरमध्ये ऑनलाइन प्लेसमेंटच्या केवळ २७ ऑफर्स आल्या आहेत. आयआयटी गांधीनगरचे करिअर डेव्हलपमेंट सर्व्हिसेसचे प्रमुख अभय राज सिंग गौतम म्हणाले, 'आयआयटी गांधीनगरच्या प्लेसमेंट्स ऑक्टोबर २०१९ मध्ये सुरू झाल्या तेव्हा १४२ ऑफर्स होत्या. WHO ने करोना महामारी असल्याचं जाहीर करेपर्यंत ११ मार्चपर्यंत १४२ ऑफर होत्या. पण त्यानंतर आतापर्यंत केवळ १७ ऑफर्स राहिल्या आहेत. जुलै अखेरपर्यंत हीच स्थिती असणार आहे.' गेल्यावर्षी याच कॅम्पसमध्ये ७५ टक्के विद्यार्थ्यांना ऑफर लेटर्स मिळाले होते. हेही वाचा: आयआयटी मद्रास मध्ये मोठ्या प्रमाणावर प्लेसमेंट झाल्या होत्या, पण कोविड - १९ महामारीमुळे आतापर्यंत २४ जॉब ऑफर्स मागे घेण्यात आल्या आहेत. या संस्थेला ९२४ ऑफर लेटर्स मिळाले आहेत, यापैकी २४१ ऑफर्स यूजी विद्यार्थ्यांसाठी तर २२१ ड्युअल डिग्री ग्रॅज्युएट्ससाठी, ३३६ ऑफर पीजी विद्यार्थ्यांसाठी तर १२६ प्री प्लेसमेंट ऑफर्स आहेत. परिस्थिती सामान्य झाल्यावर आणखी विद्यार्थ्यांना ऑफर्स मिळतील अशी संस्थेला खात्री आहे. हेही वाचा:

from Career News in Marathi: Career News, मराठी Career बातम्या | Maharashtra Times https://ift.tt/2VQFiq7
via IFTTT