यूपीएससी नागरी सेवा परीक्षेची गुणपत्रिका कधी? आयोगाने दिली माहिती

Marksheet: केंद्रीय लोकसेवा आयोगाच्या नागरी सेवा मुख्य परीक्षा २०१९ ची मार्कशीट कधी जारी केली जाणार याबाबत उमेदवारांमध्ये उत्सुकता आहे. सिव्हिल सेवा परीक्षा देणाऱ्या उमेदवारांना त्यांची गुणपत्रिका पुढील महिन्यात उपलब्ध होणार आहे. आयोगाची अधिकृत वेबसाईट upsc.gov.in वर उमेदवार आपली गुणपत्रिका पाहू शकतील. संकेतस्थळावर दिलेल्या माहितीनुसार, केंद्रीय लोकसेवा आयोग ७ सप्टेंबरनंतर नागरी सेवा परीक्षा २०१९ चे गुण जारी करणार आहे. यापूर्वीच्या माहितीनुसार उमेदवारांना सिव्हिल सर्विस परीक्षेची गुणपत्रिका १९ ऑगस्टला जारी होणार असल्याची अपेक्षा होती. पण आता ७ सप्टेंबरनंतरच उमेदवारांनी मार्कशीट मिळेल. Civil Services Result 2019: कसे पाहू शकाल ऑनलाइन गुण? - सर्वात आधी अधिकृत संकेतस्थळ upsc.gov.in वर जा - यानंतर होमपेजवर सिव्हिल सर्व्हिस परीक्षा २०१९ च्या गुणांसाठी दिलेल्या लिंकवर क्लिक करा - आता सर्व विचारलेली माहिती भरून सबमीट करा - सिव्हिल सर्व्हिस परीक्षा २०१९ चे गुण तुम्हाला स्क्रीनवर दिसतील - उमेदवार ही गुणपत्रिका डाऊनलोड करू शकतील, तसेच प्रिंट आऊटदेखील घेऊ शकतील. UPSC 2019 नागरी सेवा परीक्षेतील टॉप ३ उमेदवार केंद्रीय लोकसेवा आयोगाच्या नागरी सेवा परीक्षा २०१९ चा अंतिम निकाल ४ ऑगस्ट २०२० रोजी जाहीर झाला. मुख्य परीक्षा सप्टेंबर २०१९ मध्ये झाली होती, तर मुलाखती फेब्रुवारी आणि ऑगस्ट २०२० मध्ये घेण्यात आल्या होत्या. UPSC 2019 नागरी सेवा परीक्षेत प्रदीप सिंह यांनी पहिला क्रमांक पटकावला. जतिन किशोर आणि प्रतिभा वर्मा अनुक्रमे दुसऱ्या आणि तिसऱ्या स्थानी आहेत. यावर्षी एकूण ८२९ उमेदवारांची नागरी सेवांसाठी निवड करण्यात आली आहे. यात ३०४ सर्वसाधारण गटातील उमेदवार आहेत. ७८ ईडब्ल्यूएस, २५१ ओबीसी, १२९ एससी आणि ६७ एसटी प्रवर्गातील उमेदवार यशस्वी झाले आहेत. यूपीएससी नागरी सेवा परीक्षेच्या माध्यमातून भारतीय प्रशासकीय सेवा, भारतीय परराष्ट्र सेवा, भारतीय पोलीस सेवा आणि अन्य केंद्रीय सेवांसाठी उमेदवारांची निवड केली जाते.

from Career News in Marathi: Career News, मराठी Career बातम्या | Maharashtra Times https://ift.tt/2Qd2I5C
via IFTTT