यूपीएससी सीएपीएफ परीक्षेच्या अर्जप्रक्रियेला सुरुवात

CAPF exam 2020: केंद्रीय सशस्त्र पोलीस दल (CAPF), सीमा सुरक्षा दल (BSF), केंद्रीय राखीव पोलीस दल (CRPF), केंद्रीय औद्योगिक सुरक्षा दल (CISF), भारत-तिबेट सीमा पोलीस (ITBP) आणि सशस्त्र सीमा दल (SSB) मध्ये असिस्टंट कमांडंट पदाच्या भरतीसाठी केंद्रीय लोकसेवा आयोग (UPSC) प्रक्रिया राबवणार आहे. २० डिसेंबर २०२० रोजी यासाठी लेखी परीक्षा होणार आहे. या परीक्षेसाठी ऑनलाइन अर्ज करण्याची प्रक्रिया सुरू झाली आहे. उमेदवार ७ सप्टेंबरपर्यंत आयोगाच्या अधिकृत संकेतस्थळावर upsconline.nic.in आणि upsc.gov.in वर अर्ज करू शकतात. किती पदांवर होणार भरती? यावर्षी CAPF मध्ये २०९ असिस्टंट कमांडंटची पदे भरती जाणार आहेत, यापैकी ७८ बीएसएफ मध्ये, १३ सीआरपीएफ, ६९ पदे सीआयएसएफ, २७ पदे आयटीबीपी तर २२ पदे एसएसबीमध्ये भरली जाणार आहेत. आवश्यक पात्रता पदवीधर उमेदवार या परीक्षेसाठी अर्ज करू शकतील. या परीक्षेसाठी इच्छुक आणि योग्य उमेदवार ७ सप्टेंबरपर्यंत upsconline.nic.in आणि upsc.gov.in या संकेतस्थळांवर जाऊन अर्ज करू शकतील. नोंदणी प्रक्रिया पूर्ण झाल्यानंतर उमेदवारांना परीक्षा द्यायची नसेल तर उमेदवारांना अर्ज मागे घेण्याचीही परवानगी देईल. परीक्षा न देणारे उमेदवार १४ सप्टेंबर ते २० सप्टेंबर २०२० पर्यंत आपले अर्ज मागे घेऊ शकतील. वयोमर्यादा उमदेवाराचे किमान वय २० वर्षे तर कमाल वय २५ वर्षे हवे. आरक्षित प्रवर्गांना नियमांनुसार सवलत मिळेल. कशी होणार निवड? उमेदवारांची निवड लेखी परीक्षा, फिजीकल एफिशिअन्सी टेस्ट, मेडिकल स्टँडर्ड टेस्ट आणि मुलाखतीच्या आधारे होईल. लेखी परीक्षेसाठी दोन पेपर असतील. लेखी परीक्षा आणि मुलाखतीत मिळालेल्या गुणांच्या आधारे मेरिट लिस्ट तयार केली जाईल. करिता अर्ज करण्याच्या थेट लिंकसाठी सीएपीएफ परीक्षेचा सिलॅबस जाणून घेण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/3g1LqTK
via IFTTT