जेईई मेन परीक्षेच्या नोंदणीत तब्बल ७ टक्क्यांची घसरण

2020: कोविड - १९ संक्रमण काळात लांबणीवर पडलेल्या जेईई मेन (JEE Main) परीक्षेसाठी यंदा नोंदणीच्या प्रमाणात मोठी घट झाली आहे. देशभरातील आयआयटींमधील अभियांत्रिकी पदवी अभ्यासक्रमांच्या प्रवेशांसाठी ही प्रवेश परीक्षा घेण्यात येते. नॅशनल टेस्टिंग एजन्सीने (NTA) सप्टेंबर २०२० मध्ये होणाऱ्या या परीक्षेसाठी झालेल्या नोंदणीची आकडेवारी जाहीर केली आहे. या आकडेवारीनुसार यंदा या परीक्षेला बसणाऱ्या विद्यार्थ्यांचे प्रमाण तब्बल ७.१२ टक्क्यांनी घसरले आहे. जानेवारी सत्रासाठी ९,२१,२६१ विद्यार्थ्यांनी बी.टेक्. साठी नोंदणी केली होती, तर सप्टेंबर सत्रासाठी एकूण ७,४६,११५ विद्यार्थ्यांनी नोंदणी केली आहे. ही परीक्षा १ ते ६ सप्टेंबर या कालावधीत आयोजित केली जाणार आहे. परीक्षेचे अॅडमिट कार्डदेखील (प्रवेशपत्र) जारी झाले आहे. ही परीक्षा २२४ भारतीय तर ८ परदेशातील परीक्षा केंद्रांवर आयोजित केली जाणार आहे. JEE Main 2020: ही आहे रजिस्ट्रेशनची आकडेवारी - बीई / बीटेक : ७,४६,११५ - बी. आर्किटेक्चर : १३,६०९ - बी. प्लानिंग : ६९९ - बीटेक आणि बी. आर्किटेक्चर : ५३,५२० - बीटेक आणि बी. प्लानिंग : ५,५८० - बी. आर्किटेक्चर आणि बी. प्लानिंग : २,७७७ - बीटेक, बी. आर्किटेक्चर आणि बी. प्लानिंग : ३५,९७३ परीक्षा कशी होईल? जेईई मेन २०२० परीक्षा पुढील पद्धतीने होणार आहे - १) बी.ई./ बी. टेक्. साठी परीक्षा संगणक आधारित (कॉम्प्युटर बेस्ड) पद्धतीनेच होईल. २) B. Arch: Mathematics- Part I and Aptitude Test-Part II संगणक आधारित आणि ड्रॉइंग टेस्ट - Part III पेन आणि पेपर म्हणजेच ऑफलाइन पद्धतीने होईल. ३) B. Planning: Mathematics- Part I, Aptitude Test-Part II आणि Planning Based Questions-Part III या विषयांसाठी परीक्षा संगणक आधारित (CBT) पद्धतीने होईल. JEE Main 2020 Exam: परीक्षेला जाताना पुढील सूचनांचे पालन करा - - करोना विषाणूमुळे परीक्षा केंद्रांवर तपासणी आणि सॅनिटायझेशनमध्ये अधिक वेळ लागू शकतो. त्यामुळे विद्यार्थ्यांनी परीक्षा सुरू होण्याआधी किमान १ तास परीक्षा केंद्रावर पोहोचावे. - एनटीएचे संचालक विनीत जोशी यांनी दिलेल्या माहितीनुसार, विद्यार्थ्यांना परीक्षा केंद्रावर येण्यासाठी टाइम स्लॉट दिला जाईल. विद्यार्थ्यांनी या टाइम स्लॉटचे काटेकोर पालन करत दिलेल्या वेळेत परीक्षा केंद्रांवर पोहोचायचे आहे. - परीक्षा केंद्रावर प्रवेशासाठी उमेदवारांना ओळखपत्रासह आपलं जेईई मेन २०२० अॅडमिट कार्ड दाखवायचं आहे. परीक्षा केंद्राच्या आत अन्य कोणतंही सामान नेण्याची अनुमती नाही. - विद्यार्थ्यांनी परीक्षा केंद्रावर प्रवेश केल्यानंतर सोशल डिस्टन्सिंगचे पालन करायचे आहे.

from Career News in Marathi: Career News, मराठी Career बातम्या | Maharashtra Times https://ift.tt/3aFysKs
via IFTTT