llabus 2020-21: उच्च शिक्षणातही २५ % अभ्यासक्रम कपात करावी अशी मागणी प्रहार विद्यार्थी संघटनेने केली आहे. व नॅशनल फोरम फॉर क्वालिटी एज्युकेशन आणि ऑल इंडिया सेटनेट टीचर्स संघटनेच्या शिष्टमंडळाने बुधवारी उच्च व तंत्र शिक्षण कॅबिनेट मंत्री उदय सामंत यांची भेट घेऊन ही मागणी केली. करोनाच्या पार्श्वभूमीवर उच्च शिक्षणातही २५ टक्के अभ्यासक्रम कमी करावा जेणेकरून विद्यार्थ्यांवरील तणाव कमी होईल. प्रथम वर्षाचे प्रवेशही यावर्षी करोना महामारीमुळे उशिराने होत आहेत, शिवाय अजूनही प्रत्यक्षात कॉलेजेस सुरू झालेले नाहीत. ऑनलाइन शिक्षण सुरू असले तरी १०० टक्के अभ्यासक्रम पूर्ण होणे शक्य नाही म्हणून शालेय शिक्षण विभागाप्रमाणे २५ टक्के अभ्यासक्रम कमी करण्यात यावा अशी मागणी प्रहार विद्यार्थी संघटनेच्या शिष्टमंडळाने आज उदय सामंत यांना भेटून केली असल्याची माहिती प्रहार विदयार्थी संघटनेचे अध्यक्ष मनोज टेकाडे यांनी दिली. कोविड- १९ च्या वैश्विक महामारीच्या पार्श्वभूमीवर महाराष्ट्रातच नव्हे तर संबंध जगातील विद्यार्थ्याना या संकटास सामोरे जावे लागत आहे. अंतिम वर्षाच्या परीक्षांचा मुद्दा सर्वोच्च न्यायालयात रेंगाळत असतांना दुसरीकडे प्रथम वर्षाचे सत्र वगळता इतर सत्रांचे अभ्यासक्रम ही ऑनलाइन पद्धतीने सुरू झाले आहे परंतु काही विद्यार्थ्यांना ऑनलाइनच्या माध्यमातून कनेक्टिव्हिटीच्या समस्या तर काहींना आर्थिक समस्या असल्याने उपलब्ध संसाधनांची कमी भासते आहे. हेही वाचा: 'सद्यस्थितीचा विचार करून सन २०२०-२१ या शैक्षणिक वर्षाच्या प्रथम सत्र वगळता इतर अभ्यासक्रमाचे वर्ग ऑनलाइन पद्धतीने सुरू झाले आहेत अशा सर्व उच्च व तंत्र शिक्षण विभागांतर्गत येणाऱ्या विद्यापीठस्तरीय अभ्यासक्रमातील २५ टक्के भाग कमी करावा जेणेकरून विद्यार्थ्यांचा ताण कमी होईल व शालेय शिक्षण विभागाच्या धर्तीवर तसा शासननिर्णय निर्गमित करून विद्यापीठाना तशा सूचना करण्याची विनंती आम्ही सर्व महाराष्ट्रातील विद्यार्थ्यांच्या वतीने मंत्री महोदयांना केली आहे,' असे अ‍ॅड.मनोज टेकाडे म्हणाले. या शिष्टमंडळात प्रहार विद्यार्थी संघटनेचे अ‍ॅड.मनोज टेकाडे (अध्यक्ष), अ‍ॅड.अजय तापकीर (सरचिटणीस), नॅशनल फोरम फॉर क्वालिटी एज्युकेशन संघटनेचे प्रा.कुशल मुडे ,प्रा. भुपेश मुडे यांचा समावेश होता.


from Career News in Marathi: Career News, मराठी Career बातम्या | Maharashtra Times https://ift.tt/2FEAi2H
via IFTTT