सीएस एक्झिक्युटिव्ह एन्ट्रन्स टेस्टचे प्रवेशपत्र जारी

Admit Card: इंन्स्टिट्यूट ऑफ कंपनी सेक्रेटरी ऑफ इंडिया (ICSI) ने सीएस एक्झिक्युटिव्ह एन्ट्रन्स टेस्ट (CSEET 2020) साठी प्रवेशपत्र (अॅडमिट कार्ड) जारी केले आहेत. संस्थेचे अधिकृत संकेतस्थळ .edu वर हे अॅडमिट कार्ड उमेदवारांना उपलब्ध होतील. ज्या उमेदवारांनी अर्ज केले होते, ते आपल्या रजिस्ट्रेशन नंबरच्या सहाय्याने CSEET 2020 चे अॅडमिट कार्ड डाऊनलोड करू शकतील. अधिकृत निवेदनात असे जाहीर केले आहे की उमेदवार १९ ऑगस्ट सकाळी १० वाजल्यापासून आपले अॅडमिट कार्ड डाऊनलोड करू शकतील. CSEET 2020 यावर्षी २९ ऑगस्ट २०२० रोजी होणार आहे. करोना व्हायरस महामारीच्या पार्श्वभूमीवर उमेदवार ही परीक्षा यंदा आपल्या घरातूनच ऑनलाइन रिमोट प्रोक्टोर्ड मोडने देणार आहेत. 'Remote Proctored Mode' ही एक सुरक्षितपणे ऑनलाइन मोडने परीक्षा देण्याची पद्धती आहे. या पद्धतीत ऑनलाइन परीक्षेत कोणताही गैरप्रकार किंवा चीटिंग करता येत नाही. उमदेवार पुढे दिलेल्या लिंकच्या माध्यमातून CSEET 2020 परीक्षेसाठी अॅडमिट कार्ड डाऊनलोड करू शकतील. CSEET 2020 अॅडमिट कार्ड डाऊनलोड करण्यासाठी असे करा डाऊनलोड - दिलेल्या थेट लिंकवर क्लिक करा - आता आपला रजिस्ट्रेशन क्रमांक आणि जन्मतारीख नोंदवा. - लॉग इन करून आपलं अॅडमिट कार्ड डाऊनलोड करा. CSEET 2020 आधी १७ जुलै २०२० रोजी होणार होती. पण करोना व्हायरस महामारीच्या पार्श्वभूमीवर ICSI ने परीक्षा स्थगित करण्याचा निर्णय घेतला. या व्यतिरिक्त आयसीएसआयने अर्ज करण्याची मुदतही २७ जुलैपर्यंत वाढवली. अधिकृत माहितीनुसार, उमेदवार आपल्या घरून कोणत्याही सुरक्षित ठिकाणाहून परीक्षा द्या. परीक्षेसाठी उमेदवार लॅपटॉप, कॉम्प्युटरचा वापर करू शकतात. मोबाईल फोनद्वारे परीक्षा देण्याची परवानगी नाही. ऑनलाइन टेस्टचा कॉम्प्युटरआधारित एमसीक्यूचा भाग CSEET च्या वर्तमान वेळापत्रकानुसार नाही. ऑनलाइन टेस्टचा संगणक आधारित MCQ भाग CSEET च्या सध्याच्या शेड्युलनुसार राहील. पेपर ४ हा ५० गुणांचा असेल. यात चालू घडामोडी, सादरीकरण आणि संवाद कौशल्यासंबंधी प्रश्न विचारले जातील. ICSI ने सांगितले आहे की लॉग इन क्रिडेंशिअल परीक्षेपूर्वी उमेदवारांना ईमेल आणि मोबाइल क्रमांकावर पाठवले जातील.

from Career News in Marathi: Career News, मराठी Career बातम्या | Maharashtra Times https://ift.tt/3iQXclJ
via IFTTT