'या' गावातले विद्यार्थी शिकताहेत जपानी भाषा!

औरंगाबादहून २५ किलोमीटरवर गडिवत गाव आहे. येथे अजून रस्त्यासारख्या मुलभूत सुविधा पोहोचलेल्या नाहीत. पण इंटरनेस सेवा स्थानिक जिल्हा परिषद शाळेतल्या विद्यार्थ्यांसाठी वरदान ठरलं आहे. या सरकारी शाळेने मागील वर्षी सप्टेंबरमध्ये एक परदेशी भाषा कार्यक्रम, सुरू करण्याच निर्णय घेतला होता. या कार्यक्रमांतर्गत इयत्ता चौथी ते आठवपर्यंतच्या विद्यार्थ्यांना आपली आवडती एक भाषा निवडण्यास सांगितले होते. विशेष म्हणजे बहुतांश विद्यार्थ्यांनी जपानी भाषेला पसंती दिली. शाळेत जपानी भाषा शिकवण्यासाठी कुठलाही ठरवून दिलेला पाठ्यक्रम किंवा तज्ज्ञाचं मार्गदर्शन नसतानाही शाळेच्या प्रशासनाने इंटरनेटवर व्हिडिओ आणि अनुवादासारख्या प्रयोगांची माहिती एकत्र करत हे आव्हान स्वीकारलं. सध्या औरंगाबादचे भाषा विशेषज्ञ सुनील जोगदेव विद्यार्थ्यांना जपानी भाषा शिकवत आहेत. शाळेची विद्यार्थ्यांना जपानी शिकवण्याची धडपड कळल्यानंतर जोगदेव यांनी शाळेशी संपर्क साधला आणि ऑनलाइन वर्ग घेण्याची इच्छा बोलून दाखवली. जोगदेव यांनी वृत्तसंस्थेला सांगितले, 'मी जुलै महिन्यात २० ते २२ सत्रे आयोजित केली होती. विद्यार्थ्यांना शिकण्याची ओढ आहे. थोड्या अवधीत खूप काही शिकले आहेत. त्यांची आकलनशक्ती चांगली आहे.' सर्व विद्यार्थ्यांकडे ऑनलाइन वर्गांसाठी स्मार्ट फोन होते. त्यामुळे शाळेने 'विश्वमित्र' नावाचा उपक्रम सुरू केला. विद्यार्थी जे काही ऑनलाइन शिकतात ते त्यांच्या सोबतच्यचा विद्यार्थ्यांना शिकवतात. औरंगाबाद जिल्हा परिषदेचे शिक्षण विस्तार अधिकार रमेश ठाकूर यांनी सांगितले की शाळेत ३५० हून अधिक विद्यार्थी आहे. यापैकी ७० जपानी भाषा शिकत आहेत. याचा उद्देश विद्यार्थ्यांना आंतरराष्ट्रीय स्तरावरील शिक्षण देणे हा आहे.

from Career News in Marathi: Career News, मराठी Career बातम्या | Maharashtra Times https://ift.tt/2PRuhBB
via IFTTT