UPSC NDA NA 2020: 'या' उमेदवारांना भरावा लागणार आणखी एक अर्ज

NDA NA Exam 2020 update: भारतीय सैन्याच्या (Indian Army) नॅशनल डिफेंस अकॅडमी (NDA) आणि नेवल अकॅडमी (NA) अभ्यासक्रमांच्या प्रवेशांसाठी प्रवेश परीक्षा ६ सप्टेंबर २०२० रोजी होणार आहे. लोकसेवा आयोगाद्वारे (UPSC) या परीक्षा आयोजित केल्या जातील. काही दिवसांपूर्वी upsc.gov.in वर या परीक्षांसाठी अॅडमिट कार्ड जारी केले गेले होते. आता यासंदर्भात आणखी एक महत्त्वाचे परिपत्रक जारी करण्यात आले आहे. सामान्यपणे यूपीएससीद्वारे एनडीए आणि एनए परीक्षा वर्षातून दोन वेळा आयोजित केल्या जातात. पण यावर्षी करोना व्हायरस संसर्गामुळे पहिली परीक्षा आयोजित करता आली नव्हती. यासाठी काही दिवसांपूर्वी निर्णय घेण्यात आला की दोन्ही परीक्षा एकाच वेळी ६ सप्टेंबर रोजी आयोजित केल्या जातील. परिपत्रकात काय म्हटलं आहे? परिपत्रकात म्हटले आहे की 'ज्या उमेदवारांनी पहिल्या परीक्षेसाठी नोंदणी केली होती, पण त्यांना अद्याप रोल नंबर मिळालेला नाही, अशा विद्यार्थ्यांना TES 44 अॅप्लिकेशन फॉर्म भरायचा आहे.' NDA 145 आणि NA 107 परीक्षांचे अॅडमिट कार्ड जारी झाल्यानंतर उमेदवारांना ऑनलाइन माध्यमातून TES-44 अॅप्लिकेशन फॉर्म भरता येतील. यंदा या परीक्षा एनडीए च्या 145 और 146 व्या कोर्स, एनए च्या 107 आणि 108 व्या कोर्स च्या प्रवेशांसाठी होत आहेत.

from Career News in Marathi: Career News, मराठी Career बातम्या | Maharashtra Times https://ift.tt/313jDxV
via IFTTT