नीट २०२०: परीक्षा केंद्रात घेऊन जाता येतील 'या' गोष्टी

NEET UG 2020: जेईई मेन परीक्षा आयोजित केल्यानंतर नॅशनल टेस्टिंग एजन्सी (NTA) आता नीट यूजी २०२० परीक्षेचे आयोजन करणार आहे. रविवारी १३ सप्टेंबर २०२० रोजी ही परीक्षा देशभरात होत आहे. दुपारी एकाच सत्रात, एकाच दिवशी ही पेन-पेपर परीक्षा होणार आहे. सुमारे १५ लाखांहून अधिक विद्यार्थ्यांनी या परीक्षेसाठी नोंदणी केली आहे. करोनाच्या पार्श्वभूमीवर होणाऱ्या या परीक्षेच्या आयोजनासाठी एनटीएने सर्व आवश्यक ती आरोग्यविषयक खबरदारी घेतली आहे. आता विद्यार्थ्यांनी काय खबरदारी घ्यायची आहे, कोणत्या गोष्टीचं पालन करायचं आहे, कोणत्या गोष्टी ते परीक्षा केंद्रात घेऊन जाऊ शकतात...ते पाहू. 2020: परीक्षा हॉलमध्ये घेऊन जाऊ शकता पुढील गोष्टी - - परीक्षा केंद्रात विद्यार्थ्यांना नीट २०२० चे अॅडमिट कार्ड म्हणजेच प्रवेश पत्र घेऊन जायचे आहे. याशिवाय करोनाच्या पार्श्वभूमीवर त्यांना सेल्फ डिक्लेरेशनही द्यायचे आहे. करोनाच्या पार्श्वभूमीवर, विद्यार्थी करोनाबाधित नाही आणि कोणत्याही करोना संसर्ग असलेल्या रुग्णाच्या संपर्कात आलेले नाहीत, हे त्यांना लिहून द्यायचे आहे. - एक फोटो घेऊन जायचा आहे (जो तुम्ही अॅप्लिकेशन फॉर्ममध्ये अपलोड केला आहे.) - फोटो आयडी - विद्यार्थ्यांना स्वत:चे हँड सॅनिटायझर नेता येईल. - परीक्षा हॉलमध्ये विद्यार्थ्यांना स्वत:साठी स्वत:ची पारदर्शन पाण्याची बाटली घेऊन जाण्याची परवानगी असेल. - मास्क आणि ग्लोव्ह्ज घालणे सर्व विद्यार्थ्यांना अनिवार्य असेल. NEET 2020 Exam: 'या' सूचना लक्षात ठेवा - - करोना व्हायरसमुळे परीक्षा केंद्रांवर तपासणी आणि सॅनिटायझेशनसाठी जास्त वेळ लागू शकतो. विद्यार्थ्यांनी त्यांना अॅडमिट कार्डावर दिलेल्या वेळेत परीक्षा केंद्रावर पोहोचावे. परीक्षा सुरु होण्याआधी किमान एक तास परीक्षा केंद्रावर उपस्थित असणे, अपेक्षित आहे. - परीक्षा केंद्रात प्रवेश करताना विद्यार्थ्यांना ओळखपत्रासह आपलं नीट २०२० अॅडमिट कार्ड दाखवावं लागेल. - परीक्षा केंद्रात अन्य कोणतंही सामान नेण्याची परवानगी नसेल. - विद्यार्थ्यांना परीक्षा केंद्रात प्रवेश केल्यानंतर सोशल डिस्टन्सिंगचे नियम कटाक्षाने पाळावे लागतील. - परीक्षा संपल्यानंतर विद्यार्थ्यांना अॅडमिट कार्ड आणि ओएमआर शीट पर्यवेक्षकांना द्यायची आहे आणि केवळ टेस्ट बुकलेट आपल्यासोबत न्यायचे आहे.

from Career News in Marathi: Career News, मराठी Career बातम्या | Maharashtra Times https://ift.tt/35BkQ1Y
via IFTTT