कमाल! एका वेळी दोन हातांनी, तेही वेगवेगळ्या भाषेत लिहिते ही मुलगी!!

नवी दिल्ली: कोणाकोणामध्ये कुठलं कुठलं कौशल्य असेल काही सांगता येत नाही...रिव्हर्स गाडी चालवणारे, पायाने लिैहिणारे, तोंडात ब्रश ठेवून चित्र काढणारे अनेक अवलिया आपण टीव्हीवर, रिअॅलिटी शोमध्ये पाहतो...पण या कर्नाटकमधील मुलीने तर वेगळीच कमाल केली आहे. एका वेळी ती तिच्या दोन्ही हातांनी पूर्ण वेगात लिहू शकते...वेग किती म्हणता? मिनिटाला ४५ शब्द!! पण गोष्ट इथेच थांबत नाही. ही मुलगी एकाच वेळी दोन हातांना दोन वेगवेगळ्या भाषांमध्ये तितक्याच सहजतेने लिहू शकते!! असं या १६ वर्षीय मुलीचं नाव आहे. कर्नाटकच्या मंगलोरमध्ये ती राहते. केवळ लिहिणंच नव्हे तर अनेक कामं ती एका वेळी करून टाकते. ती म्हणते, 'मी एकाच वेळी इंग्रजी आणि कन्नडमध्ये लिहू शकते. मी मिमिक्री करते, गाणंही गाते.' तिची आई म्हणते की तिच्या उपजत हे कौशल्य आहेच शिवाय सरावामुळे तिला हे आणखी सहज जमू लागलं. स्वरुपा एका मिनिटात दोन्ही हातांनी ४५ शब्द लिहू शकते. वयाच्या अडीच वर्षापासून स्वरुपा दोन्ही हातांनी लिहू लागली. ती दोन्ही हातांचा वापर करत दहा वेगवेगळ्या स्टाइलमध्ये लिहू शकते. स्वरुपा सांगते, 'मी यूनिडायरेक्शनल, अपोझिट डायरेक्शन, राइट हँड स्पीड, लेफ्ट हँड स्पीड, रिवर्स रनिंग, मिरर इमेज, हेटरो टॉपिक, हेटरो लिंग्विस्टिक, एक्सचेंज, डान्सिंग आणि ब्लाइंड फोल्ड या दहा प्रकारांत लिहू शकते.' याव्यतिरिक्त स्वरुपाला साहित्य, संगीत, चित्रकला, मिमिक्री आणि बीटबॉक्सिंगची देखील आवड आहे. ती गिटार आणि की-बोर्डही शिकत आहे. आता इंग्रजीत ती एक पुस्तक लिहीत आहे. मंगळवारी १५ सप्टेंबर रोजी तिचा १६ वा वाढदिवस होता. वयाच्या दीड वर्षापासून ती लिहू, वाचू लागली होती आणि वयाच्या अडीच वर्षात ती लिहिण्यात इतकी चपळ झाली होती की एका वेळी २० पानं सहज लिहायची. आता ती चार-पाच सेकंदात एक हजारांहून अधिक वस्तू स्मरणात ठेवण्याचा विक्रम करण्याची तयारी करत आहे!!

from Career News in Marathi: Career News, मराठी Career बातम्या | Maharashtra Times https://ift.tt/35GE4n0
via IFTTT