जेईई मेन २०२० परीक्षेचा आज निकाल

नॅशनल टेस्टिंग एजन्सी (NTA) जेईई मेन २०२० परीक्षेचा निकाल आज जाहीर करणार आहे. जेईई मेन परीक्षेचे अधिकृत संकेतस्थळ jeemain.nta.nic.in वर हा निकाल विद्यार्थ्यांना उपलब्ध होईल. ही परीक्षा १ ते ६ सप्टेंबर या कालावधीत घेण्यात आली होती. ८ लाखांहून अधिक विद्यार्थ्यांनी या राष्ट्रीय पातळीवरील परीक्षेसाठी नोंदणी केली होती आणि ६.३५ लाख विद्यार्थी सहभागी झाले होते. कोविड - १९ महामारी काळात देशपातळीवर मोठ्या प्रमाणात आयोजन करण्यात आलेली ही पहिली परीक्षा आहे. परीक्षेचा निकाल jeemain.nic.in आणि jeemain.nta.nic.in या अधिकृत संकेतस्थळांवर ११ सप्टेंबर रोजी जाहीर होईल. कसा पाहाल निकाल? - जेईई मेनच्या jeemain.nic.in किंवा jeemain.nta.nic.in या संकेतस्थळावर जा. - View Result / Scorecard या पर्यायावर क्लिक करा. - अॅप्लिकेशन क्रमांक आणि जन्मतारीख टाका. - सिक्युरिटी पिन नंबर टाका - लॉग इन करा. - तुमचा जेईई मेन परीक्षेचा निकाल तुम्हाला पाहता येईल. जेईई मेन टॉपर २०२०, कट ऑफ आणि कॉमन मेरिट लिस्ट एनटीए जेईई मेनच्या निकालासोबतच जेईई मेनचे टॉपरदेखील जाहीर करेल. जेईई मेन कट ऑफ आणि ऑल इंडिया रँक जाहीर केला जाईल. टॉ़प २,५०,००० विद्यार्थी जेईई अॅडव्हान्स्ड परीक्षेसाठी पात्र ठरतील. आयआयटी'मध्ये प्रवेशासाठी या विद्यार्थ्यांना जेईई अॅडव्हान्स्डच्या गुणांबरोबरच बारावीत ७५ टक्के किंवा टॉप २० पर्सेंटाइल गुण आवश्यक असतात. यावर्षी ही अट शिथिल करण्यात आली आहे. म्हणजेच विद्यार्थ्यांचे बारावी परीक्षेचे गुण ग्राह्य धरले जाणार नाहीत. मात्र विद्यार्थी बारावीची परीक्षा उत्तीर्ण होणे आवश्यक असेल. तसेच जेईई अॅडव्हान्स्ड परीक्षाही उत्तीर्ण असणे आवश्यक आहे. २५ टक्के विद्यार्थी गैरहजर जेईई मेन सप्टेंबर परीक्षेला नोंदणी केलेल्या विद्यार्थ्यांपैकी २५ टक्क्यांवर विद्यार्थी अनुपस्थित राहिले. शिक्षणमंत्री रमेश पोखरियाल यांनी ही माहिती दिली आहे. १ ते ६ सप्टेंबर या कालावधीत ही परीक्षा घेण्यात आली. ८ लाख ५८ हजार विद्यार्थ्यांनी परीक्षेला नोंदणी केली होती. प्रत्यक्षात ६ लाख ३५ हजार विद्यार्थी परीक्षेला उपस्थित होते. म्हणजेच २ लाख २० हजार विद्यार्थ्यांनी परीक्षेकडे पाठ फिरवली.

from Career News in Marathi: Career News, मराठी Career बातम्या | Maharashtra Times https://ift.tt/2GQzPuQ
via IFTTT