यूपीएससी: एनडीए / एनए २०१९ चा अंतिम निकाल जाहीर

NDA NA (II) result 2019 declared: केंद्रीय लोकसेवा आयोग (UPSC) ने २०१९ मध्ये झालेल्या नॅशनल डिफेन्स अकॅडमी (NDA) आणि नेव्हल अकॅडमी (NA) - २ परीक्षेचा अंतिम निकाल जाहीर केला आहे. आयोगाच्या अधिकृत संकेतस्थळावर upsc.gov.in वर हा निकाल जाहीर करण्यात आला आहे. निकालाची थेट लिंक या वृत्ताच्या अखेरीस देण्यात आली आहे. निकालाच्या परिपत्रकात यूपीएससीने सांगितले आहे की एकूण ६६२ उमेदवार एनडीए-एनए परीक्षेत यशस्वी झाले आहेत. मेरिट लिस्ट १७ नोव्हेंबर २०१९ रोजी झालेली लेखी परीक्षा आणि सर्व्हिसेस सिलेक्शन बोर्ड (SSB) द्वारे आर्मी, नेव्ही आणि एअरफोर्स साठी घेण्यात आलेल्या मुलाखती यांच्या आधारे तयार करण्यात आली आहे. मेडिकल परीक्षेच्या निकालाला गुणवत्ता यादी तयार करताना ग्राह्य धरण्यात आलेले नाही. या निवड प्रक्रियेच्या आधारे उमेदवारांना एनडीएच्या १४४ व्या कोर्स आणि एनए च्या १०६ व्या कोर्समध्ये प्रवेश मिळणार आहे. निवड झालेल्या उमेदवारांची निवड जन्मदाखल, शैक्षणिक प्रमाणपत्र आणि अन्य कागदपत्रांच्या पडताळणीपर्यंत प्रोव्हिजनल मानली जाईल.

from Career News in Marathi: Career News, मराठी Career बातम्या | Maharashtra Times https://ift.tt/3kn4b6J
via IFTTT