कॅट परीक्षा २०२० चे अॅडमिट कार्ड आज होणार जारी

इंडियन इ्न्स्टिट्यूट ऑफ मॅनेजमेंट कॅट २०२० परीक्षेचे प्रवेशपत्र अधिकृत संकेतस्थळावर प्रसिद्ध करणार आहे. अधिकृत पोर्टलवर उपलब्ध वेळापत्रकानुसार बुधवारी म्हणजेच २८ ऑक्टोबरला कॅट प्रवेशपत्र देण्यात येईल. कॅट 2020 प्रवेश पत्र iimcat.ac.in या संकेतस्थळावर उपलब्ध करुन देण्यात येईल. कॅट परीक्षा २९ नोव्हेंबर २०२० रोजी तीन सत्रात घेण्यात येईल. सुमारे १५६ शहरांमध्ये असलेल्या विविध केंद्रांवर कॅट परीक्षेचे आयोजन करण्यात येणार आहे. परीक्षा केंद्राची शहरे कॅट प्रवेश पत्रात दर्शविली जातील. आयआयएमला कोणतेही परीक्षा केंद्र / शहर बदलण्याचा किंवा रद्द करण्याचा अधिकार आहे आणि / किंवा चाचणी वेळ व तारीख परिस्थितीनिहाय बदलण्याचा अधिकार आहे, याची उमेदवारांनी नोंद घ्यावी. कॉमन अॅडमिशन टेस्ट (CAT) ही पदव्युत्तर पदवी अभ्यासक्रमांसाठी उमेदवारांनाचे मूल्यांकन करून शॉर्टलिस्ट करण्यासाठी आयआयएमद्वारे घेण्यात येणारी मॅनेजमेंट अॅप्टीट्यूड टेस्ट आहे. भारतीय व्यवस्थापन संस्था म्हणजेच इंडियन इन्स्टिट्यूट ऑफ मॅनेजमेंट भारतातील व्यवस्थापन शिक्षण देणारी आघाडीची संस्था आहे. या संस्था स्थापन होऊन ५० वर्षांहून अधिक काळ लोटला आहे. आज भारताच्या विविध भागात २० आयआयएम स्थापन करण्यात आल्या आहेत. कॅट २०२० चे स्कोअरकार्ड कॅट वेबसाइटवर उपलब्ध करण्यात येईल. उमेदवारांना एसएमएसद्वारे वैयक्तिकरित्या देखील माहिती दिली जाईल. कॅटचा निकाल जानेवारी २०२१ च्या दुसर्‍या आठवड्यात जाहीर होणे अपेक्षित आहे. कॅट २०२० चा स्कोर ३१ डिसेंबर २०२१ पर्यंतच वैध असेल आणि त्यानुसार वेबसाइटवर प्रवेशयोग्य असेल.

from Career News in Marathi: Career News, मराठी Career बातम्या | Maharashtra Times https://ift.tt/2HG3qaG
via IFTTT