नीट काउन्सेलिंग २०२०: वेळापत्रक जाहीर

NEET Counselling 2020: वैद्यकीय समुपदेशन समितीने (एमसीसी) आपल्या अधिकृत वेबसाइटवर NEET 2020 च्या समुपदेशनाचे वेळापत्रक जाहीर केले आहे. उमेदवार समुपदेशनाचे वेळापत्रक वर ऑनलाईन पाहू शकतात. समुपदेशन वेळापत्रक १५ % अखिल भारतीय कोटा (AIQ) आणि केंद्रीय व डीम्ड विद्यापीठे, AIIMS आणि JIPMER संस्थांनी प्रस्तावित केलेल्या जागांसाठी आहे. राज्य कोटा जागांसाठी नीट समुपदेशन २०२० संबंधित राज्यांमार्फत स्वतंत्रपणे घेण्यात येईल. वेळापत्रकानुसार एनईईटी समुपदेशन 2020 च्या पहिल्या फेरीसाठी नोंदणी, शुल्क भरणे, पसंतीक्रम नोंदवणे यासाठी २७ ऑक्टोबर ते २ नोव्हेंबर २०२० या कालावधीत प्रक्रिया राबवली जाईल. सीट अलॉटमेंटचा निकाल ५ नोव्हेंबर २०२० रोजी जाहीर होईल. समुपदेशनाची दुसरी फेरी १८ ते २२ नोव्हेंबर २०२० दरम्यान आयोजित केली जाईल. प्रवर्गनिहाय कटऑफ स्कोर सामान्य वर्ग- ७२०- १४७ ओबीसी, एससी,एसटी- १४६-११३ दिव्यांग सामान्य- १४६- १२९ दिव्यांग आरक्षित -१२८- ११३ ५२९ वैद्यकीय महाविद्यालयांमध्ये १.५६ लाख जागा मेडिकल काउन्सिल ऑफ इंडियानुसार, यावर्षी देशातील ५२९ शासकीय, बिगर शासकीय आणि खासगी वैद्यकीय महाविद्यालयांमध्ये एमबीबीएससाठी ७५ हजार हून अधिक आणि बीडीएससाठी २६,९४९, आयुषच्या ५२,७२०, एम्सच्या १२०५, जिपमरच्या २०० आणि बीवीएसच्या ५२५ रिक्त जागांसह एकूण १ लाख ५६ हजार ५५९ जागांवर ऑल इंडिया रँक आणि स्टेट रँकनुसार प्रवेश होतील. NEET चा निकाल कधी आला? एनईईटीचा निकाल १६ ऑक्टोबर रोजी जाहीर करण्यात आला. यंदा ओडिशाच्या शोएब आफताबने नीट परीक्षेत प्रथम क्रमांक पटकावला आहे. त्याने ७२० पैकी ७२० गुण मिळवले आहेत. यावर्षी टॉप ५ मध्ये तीन मुली आहेत. टॉप ५ विद्यार्थ्यांची नावे (कंसात गुण) पुढीलप्रमाणे - १- शोएब आफताब (७२०) २- आकांक्षा सिंह (७२०) ३- त्वमला स्निक्था (७१५) ४- विनीत शर्मा (७१५) ५- अमृता खेतान (७१५) एनटीए नीट मार्किंग कशाप्रकारे होते? नीट २०२० परीक्षेत भौतिकशास्त्र, रसायनशास्त्र, जीवशास्त्र (वनस्पतिशास्त्र आणि प्राणीशास्त्र) या तीन विभागांमध्ये १८० बहुपर्यायी प्रश्न होते. नीट २०२० च्या भौतिकशास्त्र आणि रसायनशास्त्र विभागात ४५ मल्टीचॉईस प्रश्न होते. यासह जीवशास्त्रात ९० प्रश्न विचारले गेले. नीट २०२० ची परीक्षा एकूण ७२० गुणांसाठी घेण्यात आली. एनटीए नीट २०२० मार्किंग योजनेनुसार प्रत्येक योग्य उत्तरासाठी चार गुण दिले जातात आणि प्रत्येक चुकीच्या उत्तरासाठी एक गुण वजा केला जातो.

from Career News in Marathi: Career News, मराठी Career बातम्या | Maharashtra Times https://ift.tt/2HnJucx
via IFTTT