नीट परीक्षेत महाराष्ट्राची 'ही' कामगिरी सरस!

NEET 2020 Result: वैद्यकीय अभ्यासक्रमांसाठी घेण्यात आलेल्या नीट २०२० या राष्ट्रीय प्रवेश परीक्षेत सर्वाधिक विद्यार्थी पात्र होण्याच्या संख्येत महाराष्ट्राने दुसरा क्रमांक पटकावला आहे. त्रिपुरा राज्यातले सर्वाधिक ८८,८८९ विद्यार्थी क्वालिफाय झाले आहेत, त्या खालोखाल महाराष्ट्राचा क्रमांक लागला आहे. महाराष्ट्रातून ७९,९७४ विद्यार्थी पात्र ठरले आहेत. एकूण १३ लाख ६६ हजार विद्यार्थ्यांनी नीट २०२० परीक्षा दिली होती. त्यापैकी ७ लाख ७१ हजार ५०० विद्यार्थी पात्र ठरले. शोएब आफताब पहिला ओडिशाचा शोएब आफताब आणि दिल्लीची आकांक्षा सिंह या दोघांना ७२० पैकी ७२० गुण मिळाले. त्यामुळे मग वयाचा निकष लावून शोएबला एआयआर १ तर आकांक्षाला एआयआर - २ देण्यात आला. शोएबचा पर्सेंटाइल स्कोर ९९.९९९९८५३७ आहे. महाराष्ट्रातून आशीष झांट्ये 'नीट'मध्ये प्रथम नीट यूजी परीक्षेत सिंधुदुर्ग जिल्ह्यातील मालवण तालुक्यातील आशीष झांट्ये या विद्यार्थ्यांने राज्यातून प्रथम क्रमांक पटकावला आहे. देशभरातून सात लाख ७१ हजार ५०० विद्यार्थी प्रवेशास पात्र ठरले आहेत. यात मुलींची संख्या चार लाख २७ हजार ९४३ इतकी आहे. यात पहिल्या ५०मध्ये राज्यातील आशीष झांट्ये याच्यासह तेजोमय वैद्य, पार्थ कदम, अभय चिलर्गे या विद्यार्थ्यांचा समावेश आहे. सर्वसाधारण प्रवर्गाची कट ऑफ वाढली; आरक्षित प्रवर्गांतील घटली नीट २०२० मध्ये सर्वसाधारण प्रवर्गाची कट ऑफ मागील वर्षी १३४ होती, यावर्षी ती १४७ आहे. म्हणजेच कट ऑफमध्ये १३ गुणांची वाढ झाली आहे. ओबीसी, एससी, एसटी प्रवर्गातील कट ऑफ मागील वर्षी १२० होती, यावर्षी ११३ आहे. म्हणजेच आरक्षित प्रवर्गाती कट ऑफ ७ गुणांनी घटली आहे. प्रवर्गनिहाय कटऑफ स्कोर सामान्य वर्ग- ७२०- १४७ ओबीसी, एससी,एसटी- १४६-११३ दिव्यांग सामान्य- १४६- १२९ दिव्यांग आरक्षित -१२८- ११३ नीट परीक्षेत एकूण ७२० गुणांसाठी फिजिक्स, केमिस्ट्री, बायोलॉजीमधून एकूण १८० प्रश्न विचारण्यात आले होते. ही ऑफलाइन परीक्षा १३ सप्टेंबर आणि १४ ऑक्टोबर रोजी घेण्यात आली. एकूण ११ विविध प्रादेशिक भाषांमध्ये परीक्षा घेण्यात आली होती.

from Career News in Marathi: Career News, मराठी Career बातम्या | Maharashtra Times https://ift.tt/2HcvJxc
via IFTTT