पुणे विद्यापीठ: परीक्षा हुकलेल्या विद्यार्थ्यांसाठी लवकरच पुन्हा संधी

म. टा. प्रतिनिधी, पुणे सावित्रीबाई फुले पुणे विद्यापीठाच्या पदवी किंवा पदव्युत्तर अभ्यासक्रमांच्या अंतिम वर्षाच्या परीक्षेला विद्यार्थ्यांना प्रकृतीस्वास्थ्य, एकाच वेळी दोन परीक्षा, तांत्रिक अडचण अशा कारणास्तव परीक्षेला बसता आले नाही, तर त्यांच्यासाठी नजिकच्या कालावधीमध्ये विशेष परीक्षेचे आयोजन करण्यात येईल, असा महत्वपूर्ण निर्णय विद्यापीठाच्या परीक्षा आणि मूल्यमापन मंडळाने घेतला आहे. या विशेष परीक्षेबाबतची माहिती विद्यापीठाच्या वेबसाइटवर प्रसिद्ध केली जाईल, अशी माहिती परीक्षा व मूल्यमापन मंडळाचे संचालक डॉ. महेश काकडे यांनी दिली आहे पुणे विद्यापीठाच्या परीक्षा व मूल्यमापन मंडळाची बैठक बुधवारी उशिरा पार पडली. या बैठकीत हा महत्त्वपूर्ण विद्यार्थीहीताचा निर्णय घेण्यात आला. त्याचप्रमाणे १२ ऑक्टोबरपासून सुरू होणारी अंतिम वर्षाची परीक्षा ऑनलाइन किंवा ऑफलाइन कोणत्याही पद्धतीने देण्यासाठीचा पर्याय न निवडणाऱ्या, विद्यार्थ्यांना ऑनलाइन पद्धतीने परीक्षा देता येईल. अशा सर्व विद्यार्थ्यांना या संबंधीची माहिती त्यांच्या स्टुडन्ट एक्झाम फॉर्म प्रोफाइलमध्ये उपलब्ध करून दिली आहे. या निर्णयामुळे परीक्षा देणाऱ्या विद्यार्थ्यांना काहीसा दिलासा मिळाला आहे. उच्च व तंत्रशिक्षण मंत्री उद्या सामंत यांनी अकृषी विद्यापीठांतील एकही विद्यार्थी परीक्षेपासून वंचित राहणार नाही; तसेच अनुत्तीर्ण विद्यार्थ्यांची लगेचच परीक्षा घेण्यात येईल, अशी घोषणा मंगळवारी केली होती. त्यानुसार पुणे विद्यापीठाने तातडीने निर्णय घेऊन, कार्यवाही करण्याला सुरुवात केली आहे. दरम्यान, विशेष परीक्षेस बसण्याची परवानगी मिळण्यासाठी विद्यार्थ्याने सर्व आवश्यक कागदपत्रे व व प्रमाणपत्रांच्या प्रती महाविद्यालय किंवा संस्थेच्या प्राचार्य; तसेच संचालक यांच्यामार्फत परीक्षा समन्वय कक्ष सादर करणे आवश्यक सादर करणे आवश्यक राहणार आहे. पुणे विद्यापीठाच्या कार्यक्षेत्रातील प्राचार्य व संचालकांनी या निर्णयाबाबतची माहिती सर्व विद्यार्थी पालक शिक्षक व शिक्षकेतर कर्मचाऱ्यांना द्यावी, अशा सूचना डॉ. काकडे यांनी दिल्या आहेत. पुढील कारणांसाठी विद्यार्थ्यांना विशेष परीक्षा देता येईल - - विद्यार्थ्याला करोनाची बाधा झाल्यास - समकक्ष विषयामुळे किंवा इतर कारणांमुळे एकाच वेळी किंवा इतर कारणांमुळे एकाच वेळी विद्यापीठाच्या दोन विषयांच्या परीक्षा असल्यास - राज्य सामायिक प्रवेश परीक्षा कक्षाकडून (सीईटी सेल) घेण्यात येणारी किंवा इतर शासकीय स्पर्धा परीक्षा आदींचे आयोजन विद्यापीठाच्या परीक्षेच्या दिवशी असल्यास

from Career News in Marathi: Career News, मराठी Career बातम्या | Maharashtra Times https://ift.tt/2GPbQfE
via IFTTT