जेईई अॅडव्हान्स्ड टॉपर चिरागला PM मोदींनी म्हटलं होतं..'मित्रा...'

JEE Advanced Result 2020: JEE अॅडव्हान्स्ड परीक्षेचा निकाल सोमवारी जाहीर झाला. या परीक्षेत देशभरातून पहिला आलेला पुण्याचा चिराग फलोर नेमका आहे तरी कोण? जाणून घ्या... चिरागला या परीक्षेत ३९६ पैकी ३५२ गुण मिळाले. याच चिरागने सप्टेंबर २०२० मध्ये झालेल्या जेईई मेन्स परीक्षेत १२ वा रँक पटकावला होता. यात त्याचा पर्सेंटाइल २०० होता. चिराग एक अत्यंत हुशार विद्यार्थी आहे. त्याला जगातलं आघाडीची शिक्षणसंस्था मॅसाच्युसेट्स इन्स्टिट्यू्ट ऑफ टेक्नॉलॉजी (), अमेरिका या संस्थेतही प्रवेश मिळाला आहे. एमआयटी ही जागतिक पातळीवरील आघाडीची संस्था आहे. एएनआयशी बोलताना चिरागने सांगितले की जेईई परीक्षा आतापर्यंतची सर्वात कठीण परीक्षा आहे. अमेरिकेतल्या मॅसॅच्युसेट्स इन्स्टिट्यूट ऑफ टेक्नॉलॉजी (MIT) मध्ये प्रवेश मिळूनही मी जेईई परीक्षा देण्याचा निर्णय घेतला. एमआयटीत यंदा प्रवेश मिळवणाऱ्या पाच भारतीय विद्यार्थ्यांपैकी चिराग हा एक आहे. चिरागने सांगितलं, 'मी चार वर्षांपासून IIT एन्ट्रन्स परीक्षा देण्याची तयारी करत होतो. माझ्यासाठी ही सर्वात कठीण परीक्षांपैकी एक होती. मला हा अनुभव चुकवायचा नव्हता. जेईई सर्वात कठीण परीक्षा यासाठी आहे की यात वेळेची मर्यादा असते. जेईईच्या तुलनेत एमआयटीच्या फर्स्ट इयरची कॉमन परीक्षा सोपी असते.' करोनामुळे लॉकडाउन पुकारल्यामुळे चिराग एमआयटीतील शिक्षणासाठी अमेरिकेत जाऊ शकलेला नाही, तो सध्या ऑनलाइन शिक्षण घेत आहे. त्याचे वर्ग भारतीय वेळेनुसार संध्याकाळी ५.३० ला सुरू होतात आणि रात्री २ वाजेपर्यंत चालतात. इतकं व्यग्र शेड्युल असतानाही त्याने जेईई अॅडव्हान्स्डची तयारी केली आणि परीक्षेत तो पहिला आला. चिराग जानेवारी सत्रातील परीक्षेतही सहभागी झाला होता. तेव्हा त्याला ९९.९८९७ पर्सेंटाइल मिळाले होते. आता सप्टेंबरमध्ये झालेल्या मेन परीक्षेत त्याला १०० पर्सेंटाइलसह १२ वा रँक मिळाला आणि आता अॅडव्हान्स्डमध्ये तो अव्वल आला. जेव्हा पंतप्रधान मोदी म्हणाले होते, 'माझा मित्र, चिरागला भेटा...' चिरागला लहान असताना राष्ट्रीय बाल पुरस्कारानेही सन्मानित करण्यात आलं आहे. इंटरनॅशनल सायन्स आणि मॅथ्स ऑलिम्पियाड स्पर्धेत त्याने भारताचे प्रतिनिधित्व केले होते. पंतप्रधान नरेंद्र मोदी यांनी चिरागला ट्विटर अकाउंटवरून शुभेच्छा दिल्या होत्या.

from Career News in Marathi: Career News, मराठी Career बातम्या | Maharashtra Times https://ift.tt/33uoDNl
via IFTTT